((اللاش وقــت الضيق مـــابه نفيعه))
يـالله تقطـع من قطـع وصـل الارحام ,,,,,, ويالله اتجــازي من مشى بالخديعه
ويالله اتغــــربل كــل كــاذب ونمـــام ,,,,,,,, اللـي بهــم قلب الحقـايق طبيـعه
والرجــل لازم شـــــوفته دوم قـدام ,,,,,,, مــــا يلتفــت للنــاقصــه والوضيــعه
يرفــع ابنفسـه عن شواعيب الاوهام ,,,,,,, واهــل النفـوس الهابطه والدنيـعه
حيث المــراجل مهي بكبر الاجسام ,,,,,,, ولاهــي بحجـم وزود رقـم الوديعـه
وكم شــــايبً جاهل ولا عنده إلمام ,,,,,, بسلم العـرب واركان دين الشـريعـه
تقصر يمينه عـــن مناهيــج الاكــرام ,,,,,, غـورب عليه ابليس واصبــح يطيعـه
وش لون احـط النوع هذا لي احزام ,,,,,,, واللاش وقـت الضيق مــا بــه نفيـعـه
ومن فارق الانــذال ماهــوب ينـــلام ,,,,,,,, يلقـى البدايـل بالفجـوج الوسيعـه
ابحث عـن اللــي خــوته ترفـع الهام ,,,,,,, قــرمً اســنافي والمجــاني رفيـعه
لاشـــــك وينــه ياعريبيــن الاعمـــام ,,,,,,, ينـدر ابوقــتً شــفت منــه اللكيعـه
فيــه المصالـح ترتقي روس الاقــزام ,,,,,,, واعمـت قداهم هم والبصروالصنيعه
ويالله تهـــدينا على نهــج الاســـلام ,,,,,,, ونحظـى عســانا بالرضــا والشفيعـه
(( محمــد بن سوعان الربيع ))