هلا بك ابو مشعل ،،،،
لاهنت على مرورك وتعليقك ،،،
بالنسبه لفيصل الربيلي اعتقد ان قضيته ماهي مستاهله كل هالنخاوي والقصايد ، لكن للأسف ان هذا الواقع ،وقد اشرت لذلك لما قلت :
مـــاهــي بـــفــيــــد نًــخــوه حـتــى إنـّـــا نــكــمــل لـلــــعـــدد
الــمــواقـــف رهــيــــنــه بــاقــيـــــه دايـــــم ٍ لابـــطــــالــهـــا
والرجل اللي يتغنى بسم عنزة وبفعل اجداده وهو مامشى دربهم ، لايحق له الافتخار ، وطيب الرجل باللي تفعله يمناه ماهو بالتغني بمجد الغير ، اللي يفتخر بمجد قبيلته واهله يمشي على خطاهم
ويفتخر كما قلت :
مــجــد مــاضـــي وحــاضــر يــرسـمــه كـفّ حـــرّ ٍ لـــه ودد
نــوهــتــــه فـــوق دام تــجــــذبـــه للـــمــعــــالــي نـــالــهـــا
ومن يــمــاري بـجـــدّه وانــثــــنـــى دون فــعـــلـــه مــــا ردد
خـــاب ســــدّه وعــزّي لــربــعـــتــن هـــذا فــعــل رجــالــهــا
اما الرجال اللي يشحذون عند الامراء وغيرهم هذولا شواحيذ وش يرجى منهم ؟
اللي ما عز نفسه عن الشحذه ، ما عز غيره عزالله ، والشحذه ماوراها غناه ، ونعرف الكثير اللي يشحذ بلسانه ، واذا اعطي مدح وان لم يعط قلب المدح سب ..
ماهو من اليوم الشواحيذ من عصر الجاهليه عبر صد الاسلام الى يومنا هذا ، بل اني رأيت من يماري بالشحذه على شاشة التلفاز ويفتخر دون خجل ولا اعتبار لأي شي ويبرر بأنه شي موجود من عصر الجاهليه ، وكما يقال عذر اقبح من ذنب ...
والكلام يطول فيما اشرت اليه ، ولكن الشكوى للي ماتنام عينه