ياخـلـيـف لا يهـمـك تخـاريـف وحـقـود *** ألـلــي تـنـاخـى بـالــرّدى مــن رداهـا
الــحــق يــلــزم لــــه رجـاجـيــلٍ فــهـــود *** وقــت الصحـايـح ما اتــذرّا بنـسـاها
عــنــاز تـاريـخــه مــوثّــق ومــرصـــود *** مـــا هـو بــرافــد وافـــدٍ مــــن اقــراهــا
وعـبــدالله الـعـبـار حـيــدٍ مـــن حـيــود *** مــا يِشـكـلـه قـــول الـعـفـون ولـغـاهـا
ورّد القـيـل وكــل قـــولٍ لـــه اشـهــود *** وأهــل الـغـوى تبـطـي وهـــي بعـيـاهــا
ومنطـوق قولـه كنـه الــدر منـضـود *** مـثـل الجـواهـر مـا خسـر مـن قــنـاهـا
ومــن خالـفـة بـالـحـق ودّك بـعـبـرود *** يصـهـد كـبـود ألـلـي تنـاسـت حـــياهـا
خلـك مـع الطـيّـب ألـلـي دايــم بــزود *** وألا الـمـعـفـنــة لا تـــرجّـــى ضــنـاهـــا
وحنا لإبومشعل اعضـود ولـه جنـود *** لـــو تـطـبـق الـبـوقـان وألـلــي وراهـــا
وتِرفع له البيضـا مـن الجـد لجـدود *** مـن دور وايـل يـــامـا يقـضـي نــمـاهـا
الأخ محمد بن دوهان صح لسانك وشكراً جزيلاً لك ولجميع الرجال الذين يرون بعين العدل والأنصاف وأشكر الأخوين الشيخ متعب بن عبدالهادي الفققي والشيخ علي الفياض المصرب والأخ خليف بن سمير الدوامي وإليك الجواب حيث قلت هذه الأبيات في عجل :
يا محـمـد الـدوهـان يا نـاطـح الـكـود *** نـفـسـك مـلـم الـربـع غـايـة مـنـاهـا
لاشـك دون القـصـد يا محـمـد حـفـود *** بعـض العفون الـلي قريب ن مـداهـا
قـام أيـتـحـدّث بـالـنـسـب كـل نـمـرود *** خـبـاث الطـبـايـع مـا تـبعـنـا هـواهـا
نـطـز عـيـن مـحـرف الأصـل بالـعـود *** ما دام ما تشوف الجبل مـن عماهـا
عناز تعـرف من عصر عـامـر العـود *** مـن خـط تـاريخ العـرب مـا نسـاهـا
وكل القبايل يا أبن عـايـد لـهـا جـدود *** وكـل الـقـبـايـل بـالـفـعـايـل تـبـاهـــا
قـلـتـه ولا أظـن الـعـواري بـهـا فــود *** والـنـاس يـرفـع فـعـلـهـا مستـواهـا
والـلي شنونـا تعـرف اعـمالهـم سـود *** مـا أريـد أبـيّـن بـالـرذايـل خـزاهــا
حتى السفيه الـلي لـه شهـور مجـلـود *** ينشـر كـلام وشيـمـتـه مـا حـمـاهـا
والـلـه يـا لـولا حـشـيـمـة هـل الجـود *** لـكـود أوضـح خـزيـهـا واهــجـاهـا