غـلفت منظـوم القـريض بمضاريفـه
يـهـدى لمـن يكـرم ضيـوفـه وزواره
إبـن رجـا عـز القـرابـه وهـو ريـفـه
عـبـدالـلـه الـلي عنـدنـا زاد مـقـداره
وجارالله العايش حماوي وبه صيفـه
غيـور ما نفسه على العوج صبّـاره
ما جور من جور الزمان وصواديفه
الـلـي بفعـل الطـايلـه طـالـت اشبـاره
غـاضـه كـلام الـلي يلـفّـق عجاريفـه
حيث الحميه هـي مبـاديـه واشعـاره
مـن لابـة رجـالـهـم يـطـعـن بسيـفـه
يا سعـد منهـم باللـوازم هـم انصـاره
يذرون عن لفح السموم وعواصيفه
ويثنون دون الدبش لاصارت الغـاره
قـولـوا لمـن يشمت علينا بسواليـفـه
عـن النمـايـم ملسنه يـربـط اهجـاره
الـلي تـمـادا ضـدنـا وأسرف بـهيـفـه
مقـول لهـاتـه يحش العـقب منشاره
تـزويـر هـرجـه بالمجالس وتزييفـه
يبغي بمنطوق الخطأ يفـرض افكـاره
المجلس الـلي كما من قام عن جيفه
مجلس خـزأ بـه تجتمع نـاس هـذاره
من يلفـظ القـول الرخيص بتخاريفـه
لومي على من طاع لأرياه واشواره
مـن دوّر العـيـب لـيتـه بـرّق بحيفـه
لا يعـيّـب الناس فـي عـيبـه ومعيـاره
مـا نجهـل نعـوتـه ونفهـم تـواصيفه
لاشك نغضي ما نـبي نكشف اسراره
العـيب عـيـب الـلي يذمـونـه بضيفه
والعيب عيب الـلي يداور مرت جاره
ومن خط حرف الغلط تكثر تحاسيفه
وبعض الاسامي تراها اليوم غـراره
فخـر عنـزه يصعب جحوده وتوقيفه
لـو شـوشرت بـالـبـلـه نـاس غـّداره
عـنـاز تـفـخـر فـي كـتـابي وتـألـيفـه
تاريخ ماضي عـزوتي ننشر أخبـاره
المـرجـع الـلي يكـود الغـيـر تصنيفه
لأجـل القبـيلـه بـذلـت جهـود جـبّـاره
مـجـهـد ولا تـشكـل عـلـيـه تكـاليـفـه
خدمت فخـر لابـتي واصلت مشواره
وش عاد لـو تنكـر جهودي هـذاليفه
صيـد الحـمايـل لجهـدي دوم شكّـاره
والـلي نسبنـا يـبي نـقلـه وتحـريـفـه
هيهات مـا ينقـل فصيله ولا عـمـاره
ما نطيع من حرّف نسبنا عـلى كيفـه
الساس ثابت من زمن هاجر وساره
مـن يجـهـل بجـدنـا نعـطيـه تعـريفـه
من نسل عامر شهيـر بسلمه وكـاره
اسم عـنـزه لـو قيل عـنـاز تصحيفـه
قـبـايـل مـن نـقـوة الغـوش مخـتـاره