الأخوين الكرام أبو وائل الوائلي والشيخ متعب بن عبدالهادي الفققي شكراً على مروركم وتفاعلكم
وهذا مقطع من قصيدة الشاعر نواف بن رحيّل الشبيعان العواجي الجعفري التي القاها بحفل خلف غريب العواجي وهو يثبت الخطأ التي
أرتكبه أحد المدعين لنفي نسب حمائل من هذه القبيلة وهو يريد تغيير نسبهم ووضعهم في غير جدهم يقول الشبيعان :
اليوم نعلن للجميع ونثبـــــــــــت *** ولا يهمنا الدجال والدجالــــه
إنا رغم كل الأمور الأخــــــــرى *** قلوبنا لأجل الوصل ميالــــه
ولا يهمنا الجاهل ولا تفكيـــــره *** اللي بالأنترنت زاد هبالــــه
وش خانت اللي بالمواقع يكتـب *** ولاهو مبيّن للخلايق حالـــه
حنا نعرف أنسابنا ونــميّـــــــز *** حنا اهل التاريخ حنا رجالـــه
أنسابنا ماهي حلال سايــــــب *** يلعب به الجاهل مع الجهالــه
انسابنا بصدورنا محفـوظــــه *** حفظ الرجل لسمه واسم عياله
لنومس بن دليم حنا ننســـب *** ضلع يذري من لجأ في جالــــه
عقب ثلاث فعلهم ما يجهـــل *** وعاداتهم كسر العدو واقتالــــه
شعيل أخو نمران وأخو محمد *** ستر الهنوف اليا تكشف شاله
ونمران أبو لويشان وأبو صايل ***روس تروس الروس يوم القاله
وعقب محمد ناجم مع ناصــــر *** خيالهم يخشى العدو قبالــــه
وشعيل منه سعيد ومحمــــــد *** خيالهم ما احد جهل بافعالـــــه
ولا نسى الشيوخ اللي نسبهم منا *** ذكر لهم يخسى الردي ماناله
نومس واحمد أصلهم بمحمـــــد *** والكل منهم بيّن منزالـــــــــه
بمحمد بن شعيل مابه شكـــــــه *** جمع لهم يخشى العدو انزاله
ينزل عقب احمد ضواحي بيشه *** شيخ ينومسنا بكل افعالــــــه
ولد العواجي بسم جده يدعى *** صعب مع العربان تلقى امثاله
واللي بلبده ساكن والشقــــه *** ترفع له البيضاء بعالي جباله
اعني عقب عايد سلايل نومس *** اللي ينومس بالفعل واقواله
النومسي ينسب لجده نومـــس *** ولا يهمنا القوال والقوالـــه
هذا العدد اللي نعرفه حنــــــــا *** العود ورث هالعدد لعيالـــه
شي توارثناه ماهو تـــــــــــوه *** نقول به دايم وكلن قالــــــه
هذا المقطع من القصيدة لو طبق فحواها على ما وجد في كتابي لوجدت مطابقة تماماً وهذا خلاف ما يدعي أحد من وقّع مع المدعين في الشكوى الكيدية
التعديل الأخير تم بواسطة عبدالله بن عبار ; 11-08-2022 الساعة 04:23 PM
|