قال الشاعر ذيب عنزة
نكتب القيفان ماعنها لزاز *** من يلز اليوم قافه عجزه
يابو مشعل ياعسى قافي مجاز *** افتخربه دام ردك حفزه
وانت شاعر صلف طقيت ارتواز *** في بحور الشعر ردك معجزه
يالسان الشعر فيك الشعر راز *** رز بالقمه جنابك رززه
ياامير الشعر ردك بالتواز *** كل شاعر صاغ ردك عززه
تكتب القيفان ماجاك اعتجاز *** يالمعلم كل درسك نفرزه
ذاخرين الوايلي وقت اعتياز *** لحتمى الموقف عدوه وجلزه
والردي يالوايلي مايوم هاز *** قال مهما قال عرفك هزهزه
والهلامه بالمواقف فر ناز *** عن طريق الحق جنب واقفزه
والنسب يالوايلي صعب المراز *** من مشابه في جدال ونرفزه
جاز ولى اجتاز ولى مايجاز *** ايتحمل كل هرجه ترمزه
مع التحية للشاعر ذيب عنزة إليك الرد الأخير وأرجو السماح :
يـاســمـي الـذيــب مــزاّع الــجــزاز *** كــان نــابــه بـالــزراديــم اركــــزه
يـا شـبـيـه الـلي الـيـا صـار الـلـّزاز *** بـالـمـسـابـق كــل حــاجــز يـقـمـزه
مـا نضـب قـافـك ولا صـابـه اغـراز *** تـشـبـه أعـشى قـيـس وأبـن حـلّـزه
أشـهـد أنـك يـالـسـنـافـي مــا تــراز *** مـحـتـرم شـغـمـوم والـشـارب نــزه
فـزعـتي لا صـار بـالـخـاطـر نـشـاز *** تـوصـل الخـصـم العـنـيـد وتـنـهـزه
لـو نخـيتـك جـيـت تـرتـجـز أرتجـاز *** والـعـدو بـاصبـعـك عـيـنـه تـبـغـزه
يا عسى يـفـداك مـن صـابـه انـحـاز *** مشتـقي بالـنـاس والـحـقـد انـحـزه
فـي زمـان الـيـوم صـار الـتـبـع بـاز *** وسـادوا الكـذبـان وأهـل الخـنـبـزه
الــزمــن يـالـقــرم مــا وفّــر نــواز *** مـن عــقــب عـزّه مـشّـرف لـعـوزه
والـقـذافـي عـاف غـضّـات الـبــزاز *** حـاكـم فـرنـسـا مـن الـحـكـم انـبـزه
التعديل الأخير تم بواسطة عبدالله بن عبار ; 11-10-2022 الساعة 06:36 PM
|