البارحه سجلت بالطرس تعبير = أبيات شعرٍ من نوادر عبرها
بديت منظوم المثايل بتصوير = وماقدر المعبود ربي ومرها
هاجت مشاعر شاعرٍ بالوفاء يغير = سمع العلوم اللي كثيرٍ كدرها
قلت الخبر ياناشرين المصادير = ويش الخبر ياناشرينٍ خبرها
وحققة بالموضوع مافيه تبرير = كود العلوم اللي قليلٍ ثمرها
علمٍ حكوبه طابعين التقارير = وعرفت غايات النفوس وقشرها
قلت اسمحوا لي يالوجيه المسافير = الناس لدروب الخطا وش جبرها
من يفعل المجهود له حق تقدير = مادام جهوده للقبيله حصرها
الشاعر اللي وثق القول ويشير = لمفاخر الويلان كله ذكرها
واجب علينا نشكره يالمناعير = ولانطيع بجهوده لمنهو نكرها
الليث ابو مشعل زبون المقاصير = عبدالله اللي غاص جمت بحرها
له حق تقدير ومعزه وتوقير = ولانطيع من يجهل حقايق عبرها
اسالكم بالله ويش المعاذير = وش حجت اللي بالمقابل ذخرها
هل قال ابن عبار بالقيل تزوير = هل غير أنساب القبيله واثرها
هل قال شيٍ يحزن القوم ويثير = هل القبيله بالروايه دمرها
سوالكم تاريخ مثل النواوير = مثل الزهور اليانعه من زهرها
عد النسب وايضا الرجال المشاهير = وثَّق حقايق غايبه عن نظرها
سطرلكم تاريخ بالمجد تسطير = وكل القبيله عدها ماخصرها
بالصدق ماعنده عن الصدق تغيير = المكتبه ياناقد القول زرها
تلقا المصادر كنها النور وتنير = تنير درب اللي جهل ماقدرها
جهود مافيها مغشه وتنكير = يجلي عن المخ المعتم سفرها
من ينكر جهودك قليل التباصير = عينه عن المجهود خافض بصرها
ياشاعر الويلان فيك الوفاء غير = كم قالتٍ شرواك والله دحرها
يا حزامنا ياصار بالجو تغبير = يا شتدت الازمات رمحك عثرها
وقفت يوم الناس تدّبح عن الزير = مواقفك ماتنسي ونخبرها
حملت حملن يابو مشعل عن الغير = وقفت وقفاتٍ كثيرٍ خطرها
واليوم ماعنكم صدود ومعاذير = كلٍ لكم بالحق نفسه صخرها
لايزملك من طاع بعض الاشاوير = حنى على كل الصناديد شرها
غلطت جهل والناس تنفخ كما الكير = والا مقامك عاليٍ في نظرها
ومن لايطيع الشور يلقا العواثير = والهرج غثن للكبود وجمرها
وختامها صلوا عدد مارتفع طير = على النبي عداد مابصر نظرها