جيـت ابـي انـام ولاقبلـنـي منـامـيمانام من دكّـه هواجيـس وشطـون

سمعـت هــرج مروجـيـن الكـلامـيالـلـي جـداهـم بالحمـايـل يحـشـون

وش لون ينسى جهد عالي المقاميماكنـت اصـدق ماسمعتـه يقـولـون

مايجحـد المعـروف غيـر الخمـامـيوالا حقـودٍ طــاع خـايـب وملـعـون

عـبـدالله الـعـبـار يـبـقـى سـنـامـيمهما يقول اللي به الحقـد مشحـون

الـحـر مايخـشـى هـديـل الحمـامـييحـوم فـوق اللـي تعـلّـوا يحـومـون

قـظــا حـيـاتـه للقبـيـلـه مـحـامـييكـوّي وجيـه اللـي للصيّـاخ يحمـون

النـور عـن وجهـه يـزيـل الظـلامـيوالطبع محفوظٍ على الحق مضمون

من حط بلسـان المسولـف لجامـيمن صد ثرثارٍ على الكـذب ملسـون

اشعـارنـا حـطـوا عليـهـا الوسـامـيوامجادنا لـولا ابـو مشعـل يضيعـون

ركبـوا خـيـول اوراقـهـم والقـلامـيولهـم مـن افعـال القبايـل يحطـون

الـلـي حـفــظ تاريـخـنـا بالتـمـامـيتنكـر جهـوده ليـه يالـربـع وشـلـون

ولـــف تـواريــخٍ علـيـهـا البـهـامـيبصمات لمشاهد حضارات وضعـون

تاريـخ مـن ولـف سـعـود الامـامـياللي ذكـر تاريـخ طامـي وطوسـون

ال السعود عنـوز قبـل الـف عامـيماولفـه وليـم قبـل ترجـمـة جــون

صــار يتـلاعـب بالحقـايـق حـرامـييسرق على كيفـه والاعـلام يـدرون