( لغز وحلّه للأطلاع )
هذا اللغز للشاعر رجاء بن سويلم بن شداد البجيدي يقول :
وش الـذي ينقـل ومخـفي ويجـري *** يمشي وهو ينقل ومشيه بالأرمـاش
مـواصـل مـشيـه نـهـاره ويسـري *** ولا يـشـرب الا دم لـولاه مـا عــاش
يمشي سنين مطوله دون حصري *** واليا وقـف يموت ولا يفيده انعـاش
مـائـة سنـة يعيشها قـلت ما أدري *** واليا وقف من ينقله طاح ما عاش
قال عبدالله بن عبار في حل اللغز :
لغزك ترى حلّه بصدرك وصدري *** وبصدور جميع البشر داخل الجاش
يـرف دايـم تـقـل جـنحـان كـدري *** بالـجـوف دقـاتـه تـقـل دق مهـبـاش
لـك احـتـرامي يالسنـافي وقـدري *** يالـوايـلي يـفـدونـك النـذل والـّلاش
حليت لغزك يا أبـو نـواف بـدري *** حـلـّه تـراه الـقـلـب خـذ ردنـا كـاش