اسمع قيل بن عبار=للمعنى الجزل يختار
الاجابه باختصار=ياللي تقول أنت منين
أعطيك العلم الصحيح=خذ تصريح بلا تلميح
خذها بالفعل الفصيح=حنا ناسٍ معروفين
أنا ربعي حناتيش=هل العشواء المداغيش
يوم الخيل ويوم الجيش=فعلهم دايم يبين
حنا أرخيص وعمريس=وغرير وخضر الفريس
لوسئلت ابن حريميس=يعطيك العلم اليقين
اسأل شيخ عيال العود=عن الماضي والموجود
يوم الناس جرود جرود=ماتتقوا بالبطين
حنا عزيزين الجار=بواجة كل الأقطار
لنا بكل الديار ديار=من قديم ليا هالحين
وش نعدد وش نقول=سيف ورمح ورجد خيول
أصل وفصل وطيب فعول=من عدنان معربين