11-12-2011, 03:08 AM
|
#133
|
|
عضو منتديات العبار
تاريخ التسجيل: Jun 2011
المشاركات: 33
|
ياأبن الحلال وسع صدرك ترى ماقلنا شىء يزعلك .. وتراك أستقبلت كلامي خطأ ...
أكثر واحد يفرح لفعول السبعة الغانمة هو ابن هديب .. القسمين البطينات والعبده ..
ابن هديب هو صانع امجاد السبعة وماهو ابن هديب اللي تغيضه افعال ربعه
لكن انا كلامي كان واضح .. ضربت لك مثل صيحة حصة ..ابحث في محرك البحث google
واكتب صيحة حصة .. شوف النتيجة ..
آلاف المواقع كاتبة عنها .. حتى منتديات القبائل الأخرى .. مطير العتبان العجمان شمر الى اخره ..
أما معركتك يالفققي اللي انت ذاكرها .. ماحد يدري عنها ...!!! ولاسمعنا بها غير منك ...!!
الشىء الآخر انا العبده ربعي اتنومس بفعلهم والله العظيم اني اقوله صادق لكن بالصحيح
المثبت اللي مايساور احد شك فيه ...
ماهو بقصايد مشكوك في صحتها .. ولشعراء
ماحد يعرفهم ومحصورين في حارة ضيقة ... الأمر الآخر ماسك علينا ابن هديب تعاون
مع الأتراك .. وش فيهم الأتراك .. الأتراك كانوا دولة الخلافة الإسلامية .. وهم الحكام
وكل شيوخ القبائل لهم علاقة معهم ..يوم صارت الثورة عليهم بعدين انقلبت القبايل عليهم
وعلى رأسهم الهديب .. برجس ابن هديب شارك بالثورة في حلب ضد الأتراك بسلاحه ...!!
ولو اني اشوف ان بريطانيا ضحكت على العرب والقبائل وأغرتهم بطرد الأتراك مقابل
الإستقلال لكن ماحدث انه راحت دولة الخلافة العثمانية المسلمة .. ومسكت بريطانيا
وفرنسا على الدول العربية ... الشيخ راكان بن مرشد إستعان بالفرنسيين ضد الشعلان
في نزاعهم على قديم ... حتى ان الطيران الفرنسي أمر الرولة والشعلان بالإبتعاد عن قديم
مسافة 80 كيلو والا كان سيقصفهم بالطيران ... أشوف ماحد قال ابن مرشد متعاون مع
الفرنسي .. شمعنى ابن هديب بس تلومونه على علاقته مع الخلافة العثمانية المسلمة ...!!
هل الفرنسي أشرف من التركي المسلم ..؟؟
وابن هديب علاقته مع الأتراك كانت لصالح السبعة وقبيلة عنزة ولكل العرب هناك ..
تخيل كم واحد كان محكوم اعدام من الدولة التركية فكه ابن هديب ..؟؟
لايتسع المجال لذكر بعض هذي المواقف المشرفة اللي ترفع الراس اللي استغل بها فرحان
بن هديب علاقته مع الاتراك لمصلحة ربعه وجماعته .. ماكان يفك المشنوق
الا اثنين النوري ابن شعلان وفرحان بن هديب ...
بالنسبة للسحيحير والفاعور هذولا من الحمايل اللي نعتز بها ونشهد الله على حبهم
وهم ربعنا حالهم حل العبده الباقين .. برجس ابن هديب خواله الفاعور .. حمايل
مايحتاج تذكرني بطيبهم ..
وبالنسبة لشيباننا اللي تقول انهم شابوا بالشدادية بالكويت .. هذي الكلمة للأسف انها
تطلع من ولد هادي الفققي .. ولايوافقك عليها كل من يعرف شيباننا .. وكلمتك غير موفقه
بالأخير التاريخ ماهو لعبة في يد احد يعبث فيه على كيفه التاريخ مخبور ويوثقه
الكتب والمؤرخين والمستشرقين وكبار السن ... وكل مدعي تاريخ زائف انا واثق
ثقة تامه بأنه يسىء لنفسه .. لايرفع من قيمتها ....!!
وانت يا أخ متعب الفققي لك كامل الإحترام والمعزة .. لكن ما انت مرجع
تاريخي للسبعة لا أنت ولا شعرائك اللي تذكرهم لنا ..
وأعيد وأكرر انه لاتسىء فهمي بأني اكذب هذي المعركة
لابالله انا بس ابي يكون توثيقها قوي اكثر ومن مصادر معروفة ..
تحياتي
|
|
|