موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة

11-05-2011, 03:30 AM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

أبيات من مخيلاتي لتجديد خلايا الفكر بعد الجمود :

لا نويت أكتب قصايـد لـي أنـقـادن *** القـريـحـة بالطلـب مـا تـفشلني
أنـظـم بيوتن أفكاري بـهـن جـادن *** عنـد من يقـرأ القوافي اتجملني
لا دلهت هجوس الأفكار لي نـادن *** الـروابـع والهـواجيس تشغـلني
الأمـانـي والـتــواجـيـد مـا فــادن *** لـو صبرت ظروف الأيام تبحلني
من يشد اوتار الأعصاب لـو بادن *** كـان قـيـدنـي زمـانـي وكـبـّلـنـي
الزمن ما اظـن يعـفي ولا ايهادن *** نـوب يرضيني ونوبات يزعـلـني
ليت عندي طايـره مثـل أبـن لادن *** لا نويت بظـرف ساعة توصلني
أبي أزور اللي أشواقي له أزدادن *** مـنوتي لـو كـان دايـم مقـابـلـني
كـان لحظـات السعادة لـنـا عـادن *** هـمسه بغـلس الـديـاجي يعـللني
يا شبيه الـلي تلفّت عـلى الشادن *** لوسمحت أقر الرسايل وراسلني
عادتي ماأنكر صحيبي ولا خادن *** من يـبـور بـواجـبي وايتجاهـلني
الحـرار الـلي يصيدن ولا يصادن *** شبكهن ضمن الغـرانيق هـولـني
دام شـمّـاخ الشواهيـق مـا مـادن *** عـن لـواهـيب السمايم اتظـللني

يابو مشعل وأنت للقافية سادن == معك مفتاح القوافي وتقتلني
يضربن عرق المودهـ ولا حادن == من سببهن قلت ماحداً يزملني
يوم صفقات المقادير لي كادن == مالقيت اللي من الناس يسألني
لي طموحي مار الايام ما رادن = عن مناوي خاطري دوم تنتلني
جدت انا مار ان الايام ماجادن == قصًرن والراجحي ما يمولني
والاسود اللي عن اشبالها يفادن == بالشبوك وشوفهن مايذللني

المعذره ابو مشعل كما قال الاول :
الضيغمي لم المراجل بعبه = وحنا نلقط ماوقع بالترابي