هذه قصيدة الامير الشاعر / سعود بن محمد بن عبدالعزيز آل سعود .
حنا هزمنا الفرس في يوم ذي قـار *** خذنا الكنور وتـاج كسـرى غنايـم
واليـوم وايـل فهـدهـا ياخـذ الثـار *** يـعـيـد مجـد مـاضـي لـه قـدايــــــم
باابطال ترخص بالوغى غال الاعمار *** تقـود قــوات تـهـد العـزايــــــم
يحرق لهبها كـل طاغـي وجبـار *** لها الفخـر والعـز والنصـر دايــــــم
دار الفلك ياللـي تريـد القضـا دار *** والسيف له وقت عـن الـدم صايـم
وقد جاراها الشاعر / خلف المحدى الغبين العنزي .
زان الكلام وشاقنـي نظـم الاشعـار *** واخترت من عـذب الكـلام المـلايــــــم
وحبيت اجاري بالمثـل واف الاشبـار *** عون الضعيف اللـي كسيـف مهايـم
طلق الحجاج الصادق الوافـي البـار*** سعـود وجـه الجـود للجـود رايـــــــم
اليوم ياعرب النسب سـاس الافخـار *** ويش انـت شايـف ياقـوي العــزايـم
الـدار يالمنعـــــور تـنخـى هـل الـدار *** روس الرجال اهـل الفعـول القــدايـم
تـنـخـى هـل العـوجـاء بعيديـن الاذكـار *** عـوق الخصيـم منـوخـة كـل زايـم
اسـود نـجـد مـهـديـت روس الاشــــــرار *** نـبـراس لـلامـجـاد مـثــل العــلايـم
آل سـعـود مـطـوعــة كــل جـبــــــــــــار *** حكـام نجـد محاربـيـن الظـلايــــــــم
الـثـار راح ولا احـدن يـاخـذ الـثــــــــار *** الا زعـيـم الشعـب نسـل الـزعـايـــم
فـهـد الـعـرب عـز الـعـروبـه والانصـار *** عـز البـلاد الـلـي لـلامـجـاد شـايــم
فـهـد الـعـرب تـلافـتـوا لـه بـالانـظــــار *** حـكـام تصغـي لــه بـعـقـل وفـهـايـم
فـهـد يـشـورونـه سـلاطـيـن الاقـطــــــار *** رجـل الـلـزايـم يـنعـرف بـالـلـزايـــم
لا شـار تـرجـع لـه صـعـيـبـات الاشــوار *** وتـبـقـى العظايـم للرجـال العظـايـم
ولا خـيـر فـي رجـل تـوارى بـالاخـطـــار *** واهـل الشيـم مـا يقبلـون الهضايـم
ان مـا خـذيـنـا الـثـار يـاسـيـدي عـــــــار *** لبس العقـال ولبـس بيـض العمايـم
عـار عـلـيـنـا عـار يـانـســل الاخـيـــــار *** ما دامنـا نـرضـى الفشـل والهـزايـم
يـكـفـي تـجـرعـنـا لـكـاسـات الامـــــرار *** والميـل تـزعـل مـنـه حـتـى البهايـم
عـيـدوا فـتـوحـات الصحـابـه بالامصـار *** ولا تختشون مـن الـبشـر لـوم لايـم
دار الـعـرب نرخص لهـا غالي الاعـمـار *** العمر يرخص لا اقبل الخصـم سايم
نـبـي لـنـا يـوم مـثــل يـوم ذي قــــــــار *** بـه يـرتـوي سيـف عـن الـدم صايـم
نـبـي لـنـا يــوم لـلاجــيــال تــذكــــــــار *** يـوم يسـولـف فـيـه قـاعـد وقـايــــم
نـبـي لـنــا يــوم تـنـاقــلـــه الاخـبــــــار *** نـصـر يـشيّـد فـوق يـكـفـي قسـايـم
يكـفي كـفى واليـا مـتى شجــب وانـكـار *** والقدس راح وبحـر الاخطـار عايـم
وبغـداد يصرخ ديس بـه عرض الاحرار *** والـذل طـال ولا تـفـيـد الـشـتـايــــم
صـرنـا ضـحـيـة كـل خـايـن وغـــــــدار *** والغرب خلى الشرق تصبـح حطايـم
هـذي حقـايـق مـا تـبي شـرح الاسطـار *** احـداث تجهـلـهـا الـقـلـوب السقـايـم
الشرق الاوسط صـار مـغـزى للاحـقـار *** فـيـه الـعـرب تـنـهـان والـكـل نـايـــم
مـضى عـلى مـا قـلـت يـامـيـر مـضـمـار *** اصحـوا لها يااهـل العقـول الحكايـم
ويـن الـعـرب ويـن الـعـروبـه هـل الكـار *** الـلـي بـهـم عـز لـلاسـلام دايــــــــــم
25 ربيع الاول 1425 هـ