موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة

08-19-2011, 07:52 AM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

قصيدة منسوبة للشيخ عايض القرني نشرت في جريدة يعتذر لرجل من عتيبة وقد ورد بالقصيدة ذكر لرجلين من فرسان ربيعة هما المهلهل وجسّاس وحيث أن الشيخ قد فات عليه أن ما ورد في شطر البيت يمثّل أستهانة بالفارسين فرغبت أن أنبهه لهذا الخطأ غير المقصود يقول الشيخ عايض في قصيدته :

عتيبة الهيلا على العين والراس =لطّامة العايل وذبّاحة الحيلْ
إن جات للأمجاد عشاق نوماس =قوم مكاسبهم خيار المحاصيلْ
أفعالهم تشهد لها ساير النــــاس =وتشوفها الأعيان مثل المخاييلْ
فوق الكواكب والمشاريف جلاّس =تقول في جو البسيطه قناديلْ
مناقبٍ ما يحتويها الف قرطاس =هم مزبن الخايف وعدالة الميلْ
مجدٍ من الماضي مشيّد على ساس =وبيوت عزٍ للنشامى مداهيلْ
وعـتيبـة الهيـلا كتـايـب وفـرّاس = حـمّـاية التّالي ورّكابة الخـيـلْ
تـرى العرب قالوا:هوازن لها باس =متوارثين المجد جيلٍ بعد جيلْ
هم عسكر التوحيد للدّين حـرّاس =حــزام دولـتنـا إذا طـفـّف الكيـلْ
إلاّ عتيـبة يا قليليــــن الإحسـاس =يا متلفين العمر بالقال والـقـيـــلْ
وصانع النّمات باخماس واسداس =مثواه يوم الحشر مع صاحب الفيلْ
الكذب عيب وموقف الحرّ حسّاس =وشتم الرجال الذنب والعار والويلْ
يفداك يا نايف مهلهل وجساس =يا من يفصّل خطبة المجـد تفصيـلْ
يا شاعر المليون للتّــاج لبـّاس =هـاك السلام بنفحـة الـبـن والهـيـلْ
كنّك على راس المراقيب قرناس =شعرك على أفواه الخلايق مواويلْ

وقال عبدالله بن عبار هذه القصيدة مجاراة لقصيدة الشيخ عايض القرني وبها لفتة نظر لفضيلته حول الخطأ غير المقصود من تعرضه لرجلين من أبطال ربيعة :
الناس يا عايض لها شعور واحساس *** تـقـرا الخبـر وتحلـل الهـرج تحليل
لا بـاس فـي مـدحـك للأجـواد لا بـاس *** لاشك لا تـفـّدي شخوص الرجاجيل
وش جـاب طـاري للمهلهـل وجسّاس *** أموات في جوف الحفـر والدراكيـل
وش عرضّك لأموات وايل بالأرمـاس *** تـعـرض اسماهـم للـفـدا والتبـاديـل
نـايـف ســلايـل لابـة مـابـهـا أدنـاس *** مـن ساس لابـه بالـدياجي مشاعيـل
مـار التفدي مـا جـرى بكـل الأجناس *** ولا قـيـل مـثـلـه بالسنيـن المساميل
شـرواك صـان النفس عـن كـل لولاس *** يـحــل عـقـد مشـربـكـات المـحـابـيـل
والـهـرج لـه يـا مـاكـر الطـيـب مقـيـاس *** حيثك نهلت من الذي جاب جبريل
حـافـظ حـديـث التـرمـذي وأبـن عـبّـاس *** جـل الصحـابـة طيبـيـن المفـاعيـل
صل وتهجـد وأبتهـل وقـت الأدمـاس *** عـالـم ولـك فـي هجعـة الليـل تهليل
سامع حديثك مـا هوى جفنه انعـاس *** لفظك مثـل عـذب القـراح الشهـاليـل
حـديـث يـجـلي كـل هـم وهــوجـاس *** نسمع مـن لسانـك مـواعـظ وتـرتيـل
يـامـا أهتـدابـك فاجـر يشرب الكاس *** ما انت الذي هرجك تدلس وتضليل
مــا دام خــفّــك لـلـرديـات مـــا داس *** وش بـك تـهـاون بالقـروم المشاكيل
أبطـال نسل أبـطـال والعـرق عسّاس *** مـرويـن حـد المـرهـفـات المصاقيـل
يخبـرك عنهـم ذو يـزن وأبـو نـوّاس *** ضد العصاه أهـل القلـوب المغـاليـل
جساس خـلا الجمع بالكـون يحتاس *** والـزيـر أخـذ بالثـار يـوم المصاويـل

صـيـد الـحـمـايـل لـلـمنـاعـيـر طسـاس *** الـلي بلـقـاهـم يـفتـر العـزم والحـيـل

كـــفــــوا بيض الله وجــهك وصح لسانك .... شاعر وخطيب ومؤرخ ربيعة .....