قصيدة الشاعر سالم الجهبل في عتق رقبة الشملاني
قصيدة ألقيت للحث على جمع مبلغ وقدره ثلاثة ملايين ريال مقابل عتق رقبة أحد أبناء القبيله وبحمد الله تمت الاستجابه السريعه بفضل من الله وطيب معادن الرجال فلهم الأجر وتم اطلاق سراحه........
البارحـة كثـرت علـي الهواجـيـس ...... والعيـن تسـهـر ليلـهـا مــن عنـاهـا
ســلام يـاشـيـخ بـعـيـد المـرامـيـس .... يامـبـتـداء الـشـكــوى ويامنـتـهـاهـا
تكفـون ياللـي تكسـبـون النوامـيـس .... ليـا اشتـد الهيجـاء ودارت رحـاهـا
تكفـون يالـلـي تعتـقـون المحابـيـس .... خمس الجموع اللـي يـذري ذراهـا
يافزعـة المحتـاج عـون المفالـيـس ..... حـي الرجـال اللـي سريـع عطاهـا
سيروا على العليا وخل الحواسيسس .... لـقـا لـهـا التـاريـخ سـجـل ثنـاهـا
الـوقـت ضايقـنـا بـكــل المقـايـيـس ..... الـيــا تكاتـفـتـوا عـرفـتـوا حـلاهــا
ياكـثـر مانعـطـي عنـيـة مـعـاريـس ..... والا مثـل هـذي عـلـى الله جـزاهـا
لـعـل مافيـنـا مــن يـطـاوع إبلـيـس .... إبليس بعض الناس يرقـص معاهـا
رجـل بليـا ربــع لــو راح لابـيـس ...... وناس وراهـا جمـوع تثنـي وراهـا
وصلوا عدد ماخط فوق القراطيس ......علـى النبـي واعـداد ماطـر سماهـا