وهذه قصيدة للشاعر المرحوم بأذن الله عايد بن ضافي الجلوي يسندها على ابن جهاد شيخ السلمات من ولد سليمان من عنزة بهجرة (( المضاويح)) يقول :


ياللـى نقلت العام جـرف الوعيره *** ليتك ياخو ربدا نقلت المضاويح

حيث ان عندك زود عرف وبصيره *** وعندك لبيبان السياسـه مفاتيح

وسـيع بال ولا انت ضيق حصيره *** هداج يانشفت سراب الضحاضيح

وأبوك مـاشاهد قنـاة الـجزيره *** غير الركاب اللي عليها لواليح

جهاد جـاهد بالسنين المـريره *** وطرد عن الديرة رجالن زحازيح

مـا عـنده اللي يا جلـس يستشـيره *** غـير المراكي والدلال المدابيح

وشـلون اثنين وكـل واحد بديره *** وأنتم سـلايل مبعدين المصابيح

صـيروا جميع ولمت الشمل خيره *** الـراي واحـد يالوجيه المفاليح

أغـد الفـرج و العز يأتي بشيره *** ويرجع لكم دور العطاوي شليويح

صـيرو من الزبنه شمال الحفيره *** منـها شمال وقربوا للمسـاريح

مسجـد جمـاعه مايوصف بغيره *** واليا دخلته به تلاوة وتسبيح

ومطـوعاً شـلان ثـوبه قصيره *** يقراء بكم عقب الأخير التراويح

والبـدو مايحيون بالزرع ديـره *** يحيون كثـان الصـفا بالمزاليح

اليا اصبحوا كـلاً تـولـج بعـيره *** ونسيوا معارف حضرهم والفلاليح

هـذاك يـومي ناطحينه حضيره *** وهذاك جوله من بسيطا سماميح

يا جيت جابوا لأول الوقت سـيره *** ذكـرى سنـة مرباعهم بالمليليح