الأخ أبو مشاري الرفدي أحسن الله إليك وشكر الله سعيك على ما عبّرت به وأنت تستحق الثناء وبخصوص الزعيم الدرزي فأنه بالإضافة إلى الشجاعة والرئاسة فهو شاعر شعبي وله قصائد ضمنت مسودة كتابي قطوف الأزهار المطبوع وغير المطبوع من شعره ما يلي :
*- هذه القصيدة من الشعر المروبع تنسب للشيخ الشجاع شبلي الأطرش من زعماء الدروز في لبنان وتسمى قصيدة عشر الركايب يقول :
شديب عشر من الركايب منـاديـب *** اليـا مشـن ذرعـانهـم كالـدوالـيـب
اسرع من اللي يقطع الدو تهـريـب *** وأن زرفلن يشدن لرف الحمامي
الأولـه مـن جـيـش ركـب الـلـحـاوي *** اشـدادهـا مـا كـلـفـه كـل غـــــاوي
تـقـطـع بـعـيـدات الـفيـافي خـلاوي *** ما تنقوي لولا الرسن والخطامي
والثـانـيـه خـزيـتـهـا مـن الـتـواهـا *** وأنا أذكر الـلـه يوم غارن مداهـا
اسرع من الـدولاب نقلـت اخطاهـا *** من خلقتـه ما شـد فـوقـه مسامي
والثالثـه حمـراء من الهجـن حـرّه *** تسبق رفاريـف القـطا مـن مـفـّره
قـنـايـهـا مـا بـاعـهـا بـألـف صــرّه *** ولـو ملـوا لـه خـرجها للعصامي
والـرابـعـه شـقـحـا شـنـاح سمينـه *** عوصى على قطع الفيافي مكينـه
اليا مشت غدوه مـن أرض المدينـه *** تلـفي دمشق الشام قـبـل الـظـلامي
والخامسه من نجـد جـت مستحيله *** من هجـن آل سعود حـره أصيلـه
مـا نـوخـت تـنـقـل حـمـول تـشيـلـه *** تـرعى زماليـق النفـل والخزامي
والـسـادسـة سـتـه وعـلـكـم مـكـيـده *** يـقـودهـا الـخـادم نـجبـهـا لــسيـده
مـربـاعهـا بـيـن الجـبـل والسويـده *** ومقيضها مابـين صالـح ورامـي
والسـابـعـه سـبـحـان ربـي خـلـقـهـا *** تمشي وحدهـا مـا تـوالـف رفـقهـا
لـو سابقـت ظـبي الـفـلا مـا سبـقهـا *** كانـه سمع بالـريع عـبـرود رامـي

والـثـامـنـه تسبق خـريش الربادي *** حايل ولا صـروا عـليها التـوادي
تـرعى زهـر نـوار نـبـت الحمـادي *** اليـامـا قضت مـرباعها بالتمـامي
والتاسعه جتـنا عطا من الشعاليـن *** تسبق هبوب الريح بأيـام تشرين
لـولا رسنهـا والحقـب والمحاجيـن *** خـطـرٍ عـلى ركابها من العـدامي
والعـاشـره عـيـوا عـلـيـهـا لـواهـا *** ساهـوجـة قـطع الفـيـافي مـنـاهـا
مـثـل الغـزال الـرابـيـه فـي فـلاهـا *** أن طـالـع القـنـاص زوّع اشمامي
تـمـن ركـايـبـنـا عـشـر بالحسابـي *** والـلي عـليهـن كاملين الـوجـابي
لـوحـوا عـلـيهـن ياقـروم الشبابـي *** ودوا تـحـيـات وكـل أحـتــرامـــي
تولموا يا أهـل الـركـاب اليعـابيـب *** من فوق عجلات الخطا للمطاليب
بوداعـت الـلـه عـالـم السر والغـيب *** يحفظكم الـلـه من عيال الحـرامي
عليهن من شغل القصيمي شدادات *** مرصعـات ضهـورهـن بالغـزالات
كل من نظرهن يوم يمشن زرافـات *** وعـليهن الـلي يقطعـون المظامي
وخـروجهـن كفيتهـن فـي عـلبهـن *** اللي شراهن ما حسب في غلبهن
وأن ساج من قطع البراري حقبهن *** يجلن هواجيس العمس والهيامي
يا هـول عيني يـوم شفت اللواليـح *** يرقص هدبهن يوم يلعب به الريح
وزهـاب أهلهـن والليالـي شلافـيح *** قرص وتمر معهم لـذيـذ الطعامي
يـلمـع فشقـهـم بالغـزالات كالـبـرق *** وسيوفهم تجلب علينا من الشرق
وعشرمحازم فيهن الحمر والزرق *** تـحيـزمـوا بـه يالنشامـا حـزامـي
وعشرة فـرود من الكراخين جـني *** مـن يلذعه رصاصهـن مـا يـثـني
شـوف الفشـق ببطـونـهـم كيفـني *** منظر لباس الحرب غاية مـرامي
عـشـر الـركـايـب للسفـر غـادرنـي *** ومـن القـفـل صارن تراثيع جـني
هاتـوا علـوم وخـوذوا العـلـم مـني *** ريضوا عـطوني وافيات العلامي
يا أهـل الـركـاب ركابكـم ولمـوهـن *** وفوق الركاب رواحكم ودعوهـن
صوب الديار اللي تبون اسهجوهن *** فيهـا اتـراك وبعـد فيهـا اروامـي
شـدوا ومـدوا طـالبـيـن المـراويـح *** أول نهار أخـذوا عليهن مشاويح
أن ذومـلـن مـثـل النـعـام المدابـيح *** سبّـاح في بحـر الظلامات عـامي
في يوم عشر لديرت التـرك تلفـون *** امشواعلى درب الخطر لا تذلون
بديـار نـاس لهرجهـم مـا تعـرفـون *** والضيف ماله في وطنهم كرامي
لـديـار بـكـر ومـارديـن وسـواهـــا *** وعا حلب الشهباء وحلوا وراهـا
حمص وحماه اصحوا تباتواحذاها *** وعا ديـرة الفيحاء تـودوا سلامي
يا هيه يالـلي فوق عشر الـركايـب *** نـيخـوا ركايـبكم بعـالي الجـذايـب
الـدرب عالجهات وأهـل الشطايـب *** وعلى الجعيدي ثـم دار الحـمامي
هواي بالقمر ترى العز يا طروش *** علمي بهم صلفين في ساعة الهوش

كرام اللحا ذباحت الحيـل وكبـوش *** كـبـار المناسف جللـوهـا الـيدامي
يا أهـل الـركاب ركابـكم ريضوهـن *** بوجه المقاعد بالعجـل نوخوهـن
وخوذوا كتاب اليا عطوا سلموهن *** هم يفهموا مظمون مقصد كلامي
وش الـذي يالـربـع غـيّـب سعـدنـا *** كـل ما فرحنا من الغبـون انكمدنـا
وحنـا الـذي جـينـا النحور وبعـدنـا *** يا أجـواد مـا وده شمات وملامي
شفنـا فعـايـلكـم عـلى جـمـة الـبـيـر *** أنـتم ذبحتم من عـداكم طـوابـيـر
عفيه ذلـول عـريـف زبـن الغناديـر *** يـوم المشوك مثل مزن الغـمامي
أشوف بيت الجنبلا هـو وحـرقوش *** وعمود بيت اللي وطأ جمرةالهوش
كبار العرب ميزانهم سطو وقروش *** يا ما عطوا وأرواح راحت عدامي
خانـوا بـنـا عـرصاتـكم قبـل تلفـون *** الـلـه يجازيهـم عـلى ما يعـملون
الـلي وثق فيهم بـلا شـك واظـنـون *** من يأمـن الثعبـان عض البهامي
الـخـوف خـرب قـبـل كـل الـبــوادي *** أنظر تـرى جـربت كـل العـوادي
مـا دل ذل وكـان أمـيـر الـهـنـــادي *** من قبل أبـو هواش كوّع ونـامي
الـخـوف خـرّب سـلـم كـل العـشـايـر *** الله يخلف شور من كـان شايـر
والـعـبـد لابـد مـا يـزور الـحـفـايــر *** ولابـد تـبـتـرم السنيـن ابـتـرامي

أخبـرك ياللي اتدوّر الفود وأربـاح *** ياما طمس في بحرهـا كـل سبـّاح
لـو تـزرع الـدنـيـا مجـاثـي وتـفـّاح *** قـوس النـدا في مثلهن بالتمـامي
وصلوا على المختار سيد المخاليق *** المصطفى يشفع لنا حزت الضيق
في ساعة ينشف بها سايل الـريـق *** يـوم الحشر والناس كله مظـامي


*- وهذه الأبيات من قصيدة للزعيم الدرزي سلطان باشا الأطرش أحد زعماء الدروز
قالها وهو في سجن الفرنسيين ومنها قوله :
سميـت بسـم الـلـه والصبح مـديـت *** بـاب الـولـي رب الملأ لـه قصـدنـا
لـيـه ثـلاث سنين بالسجـن مضيـت *** ولازلـت صابـر مـا تحطـم جهـدنـا
من عقب لبس الشال ملبوسنا كيت *** نـلبس قميـص مـا يـلايـم جـسـدنـا
تسعيـن لـيـلـة صـايـم مـا تعـشـيـت *** وتسعـين ليـلـة سـاهـرٍ مـا رقـدنـا
عـز الـلـه أنـي مـن حياتي تـوذيـت *** تسعين مـع تسعيـن جملـة عـددنـا
يا ليتني مـا جيـت للسجـن يـا لـيـت *** ولا شفـت بـابـه يـوم ربـي قـردنـا


[font=times new roman]يروى أن سلطان الأطرش جاء على الملك عبدالعزيز طيّب الله ثراه وطلب من الحاجب السماح له بالدخول على الملك فقال الحاجب دعني آخذ لك أذن من الملك فدخل الحاجب وأبلغ الملك بأن على الباب رجل مهيب وعليه شوارب طوال فعرف الملك أنه هو سلطان الأطرش وأراد يمزح معه فقال للحاجب ( قلّه يقص شنبه ويدخل ) وكان الحاجب يفكّر أنه مجد ومع خروج الحاجب من الملك عبدالعزيز قام الملك وتبعه خشي أن سلطان يغضب ويرجع فوقف الملك يتسمّع ماذا يقول سلطان الأطرش فقال الحاجب الملك يقول ( قلّه يقص شاربه ويدخل ) فقال سلطان ( أرجع عليه وقلّه أني جيته أريده يطوّل شاربي ولا جيته لكي يقصّه ) فرحّب به الملك وقال ( أبشر بمن يطوّل شاربك ثم رحّب به وقلطه ) [/font