الأخوة الكرام الغجر هم الزط وهم بالأساس من الهنود الحمر وعلى طاري الزط فقد اوردت أسمهم ضمن قصيدة عندما كانت الحملة المغرضة من قبل بعض الغوغاء ضدي حيث هاتفني الشاعر خلف المحدى الغبيني وقال أنني في مجلس رجال يخوضون في نسب عنزة متأثرين بالدعايات التي بثت في المنتديات والمجالس ودار حديثهم حول ما كتبه أبن عبار وهم ينتقدون ولا يعلمون بحقيقة الأمر فحاولت أقناعهم دون جدوى بحيث رسخت بأذهانهم ما بث من أشاعات روج لها من قبل رجال ذوي مقاصد وقال انهم يتناغطون تقل ( بط ) ولم افهم من كلامهم شيء فكتبت هذه القصيدة :
يا خلـف قـل لـلي تـنـاغـط تقـل بـط *** المحـرشيـن المورشين الملاهـيـط
ما جيـت منهـم واحـدٍ قـلت لـه قـط *** وش يطلبوني جعـلهم هفـت مقيـط
والـلي يلوم ومقصده حسد واغـبط *** لـو كـف شـره ما نبي لـه مصافيط
خطو الرجل توحي صهيله الياعـط *** يـزوم بالمجلس تقـل جـده سويـط
ولو تنصحه عـن الخطأ نـاظره نـط *** كنـه عقـاب الخيل أو كنـه الضيـط
يـبلـغ صـراريـره لسـانـه الـيـا مـط *** ويشبحك بعيونـه سوات المزاقيـط
ما يدري أن الظلف في غاربه غـط *** سوالفـه وسط المجالس خـرابـيـط
والـلي عـليـنـا ملسنـه بالخـطـأ لـط *** مقـول لهـاتـه يـلـزمـه دوم تربـيط
وش مقصد اللي ضدنا يرسم خطط *** عـنـده لتفـريق الجماعات تخطيـط
بيـن الـرفاقـة يفتـح خلول واشعـط *** وبـيت القبيلـة يفتقـه عقب ما خيط
ياقف بجنب اللي لحرف الغلـط خط *** ويفزع مع اللي يكتبون الشخاميط
الـغـث يـجـدع بـالمـقـمـات وإيـقـط *** ولايفـرطّون الناس بالجـزل تفريط
الـرس يبـقى رس مـا ينقـلـب شـط *** والخيش مايذري كما يذري الحيط
وين الرجال الـلي سلاطين واسلـط *** شيخان ولـدهـم العجاجـه مساويط
يـوم الـزمـن ما فيـه حكام واشـرط *** بسيوفهـم يـنحـون حـمـر البرانيـط
وين العـديم الـلي يسط العـدو سـط *** بالكون ما يخشى خبـيط المخابيط
وين الكريم اللي لجزل القـرى حـط *** يمضي زمـانـه بـيـن فهـقٍ وتقليط
وين الـذي بـه لاذ مـن طاح بأورط *** عن ضيم ولا من السنين المقاحيط
زالوا وفاز الـلي على مذهب الـزط *** وصار الفخر تقليد موضه وتفحيط
الـيـوم يـفـخـر كـل فـاسـد ومـنحـط *** وهـب السعد لمراقصين الشراميط
التعديل الأخير تم بواسطة عبدالله بن عبار ; 12-05-2022 الساعة 08:36 AM
|