بـيـت القبـيلـة خـلـولـه مـا يـفـتـقّـهـا *** ألا نـحـيـس تـجّـزع مـن تـعـاونـهــا
والـلي الإشاعات بين الناس يطلقهـا *** يـقـدح وهـو غايتـه بالصدر خازنهـا
لـو بـث أشاعه ما وجـد من يصدقها *** غـلطـان مـن بـثـهـا والـلي تـكهـنهـا
دعـايـتـة وسـط المجالـس يسـوقـهّـا *** يـقـدح ونـفس الغـبي بالغـل يشحنها
فـتـاّح بـوب القشـر ملـزوم يغـلـقهـا *** وأهـل النمايـم رسـول الـلـه يـلعـنّهـا
هـرج النقـيلي سعيـر الشـر يـعـلقهـا *** يكـيـد بـيـن البشـر والنـاس يفـتـنهـا
مبطي هـل البـوق مـا تؤمن بوايقهـا *** مثـل الأفـاعي لـدوغ وكيـف نـأمنهـا
سـم الأفـاعـي تـمـزق كـبـد ذايـقـهــا *** اجسـامـهـا سـامـه مـهـمـا تـلايـنـهـا
أبي أكتب الملحمة بالطرس وأرفقها *** تـهـدى لبعيـد النظـر لأجـل ايتمعنهـا
وأختمها باللي دعات الشرك طوقها *** المصطفى صـان الشريعـة وحصّنهـا



بيض الله وجهك وصح لسانك يابو مشعل

كفيت ووفيت

تضل علم وشاعر وأديب وفخر عنزة

تقبل تحياتي,,,