الأخ أبن عقيل سبق وأن توقعت أن الأبيات التي تسأل عنها لأحد المعاصرين ومع كثر الشعر والشعراء في هذا الوقت من الصعب أن أعرف كل قصيدة وقد فتشت ما عندي من محفوظات ولم أجد ألا قصيدة لرجل من شمر وهو : بشر بن غازي الشمري قالها في وقت كانت أحداث نجد ونظراً لأن القصيدة بعض أبياتها لا داعي لنشرها فإليك بعض ما قال يسند على الشيخ مقحم بن مهيد يقول :
أبـدي بـــقـيـل بـيـّن لـلـفـهـيـمـيــن *** مـا بـه غـلـط كـلـه بـدرب العـدالـه
من بشر بن غازي جوابه غدا زين *** نزه الشوارب عـن دروب النـذالـه
يا مقحـم ابن مهيـد جينـاك عـانـيـن *** نـبي العـلـوم الطـيـبـه والجـمـالـه
جيناك يا أبن مهيد بالعمـر ناصيـن *** زبـن المجـنـا الـلي تـزبـن بـحـالـه
من عـقبكـم مـالي صديـق يحـاكيـن *** أنشد غـريـب الـدار وشي حـوالـه
يا شوق غـرو من بنـات الشعاليـن *** وامحصنه راعي الهـوا مـا حكالـه
بنـت الـذي يحمي عـقـاب المقفيـن *** بـنـت الـشـيـوخ معـربـيـن خـوالـه
الـزول مطرق حور عوده بها لين *** يا حـظ من هي يا أخو قطنه حلالـه
الله عطاها الحسن يا شيخ والزين *** عـز الـلـه أنـه تستـوي لـك خيـالـه
مقحم دخيل الـلـه يعوذه من العيـن *** يـعـلـهـا مـن راس مـال عــيــالـــه
فـي جـاه رسـل عـنـد ربـه حبيبيـن *** عـسـاه دوم بـعــز والـخـيـر فـالــه
ويـا نـاشـدٍ عـنـا تـرانـا قـحـاطـيـن *** وصلب العـرب مـنـا نـعـده غـيـالـه
من صلب لابـه ما تطيع المشيرين *** رجـالـهـم يـجــزم لــو أنـه لـحـالـه
عنيت لك يا شيخ من لوعت البيـن *** والـلي يشوف الضيم يتـرك عيالـه
أنـا الـيـامـنـي تـبـيـّن لـي الـشـيـن *** والسيف داثـر مـا تجي في ضلالـه
أنـا سـلايـل مـبـعـديـن الـمكـامـيـن *** وإلـى جـفـتـنـا الـدار نـلـقـا بـدالــه
حناعلى الناموس والصدق قاسين *** نصبر إلـى ركـب الـرشـا بالمحالـه
دايم على المعروف والخير مهدين *** واللي ما يهدي خيـر يوخـذ حلالـه
من دور أبن عـريعـر وحنـا بعليـن *** وأبـن سـعـود الـلي تـذكـّر افـعـالـه
يا خـلـفـت الأجـواد بـذارت الـزيـن *** قـبـلـي عـلـى راكـان دنـيـاي مـالـه
مالت على أبن سعود عزالمساكين *** كـلـن يـخـبـره يـوم يـنـقـل نـوالــه
ومالت على كـل الدول والسلاطيـن *** الـلـه يـدبـرهـا عـلـى غـيـر حـالـه
الحـر يصعـد فـوق عالي النياشين *** ولا يوكـر الا فـي عـوالـي اجـبـالـه
بغـيـت أنـا المـرقـاب لـوهـو يعنين *** ولا كـل مـن راد الـمـراقـيـب نـالـه
جيت الشريف وقلت ياخلفت حسين *** مثلـك عـلى الأسلام بـانـت افعـالـه
يـقـول والـم قـلت انـا شفت بالعيـن *** ولا يـنجـحـد شـي خـذيـتـم بـدالــه
طالت وعرضت وعترضها شواطين *** وصاب البلا من لـه صديق عداله
عقيـل أخـو جوزاء عبالـه ونعميـن *** لاشـك شـمـر حـطـهـم بـالـرزالـــه
واجـنـود ربـي غـالبيـن الشياطيـن *** ولا خـيـر بالدنـيـا ولـو كـثـر مـالـه
وانـا رجـاي بـواحـدٍ يـوفي الـديـن *** وكـم دولة زالت عـلى الـلـه زوالـه
انا برجا الـلـه رب موسى وياسين *** الـلي فـزع لأيـوب من عـقب حالـه
والـلي فـرد فرعون منهم مقاضين *** يـا مـدبّـر الـسـقـا سـريـع مـسـالـه
والقصيدة طويلة وقد أختصرت بقيتها
التعديل الأخير تم بواسطة عبدالله بن عبار ; 07-04-2024 الساعة 10:42 AM
|