موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة

08-26-2010, 12:07 AM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

شكراً للأخ فهد المسيكي على هذه الرائعة من معجزات الشعر وهو يشجّع على عزة النفس وهذا ما نتمناه ولكن هيهات فأن الناس أجناس ولي أبيات حول هذا الموضوع لا أريد أن أشرح أسبابها منها قولي :
يا نسل الـلي لرقـاب الأضداد جـذاذ *** يـوم الطـراد ويوم عصر المواخيـذ
جـدك يـمـيـنـه لـلـمـعـاديـن فـــولاذ *** الـوايـلـي زبـن الـجـنـاة الـمـنـابـيـذ
إلى وقف شعـر النواصي تقـل حـاذ *** عقب العـيا خصمه جـداه المعاويـذ
ريـف الصحيب وللعـدو سم الأفـلاذ *** ومنصى لمـن ضاقت عليه المنافيذ
البـاسـل الـلي بالمكـارم غـدا استـاذ *** مـنـاهجـه سـاروا عـليهـا التلاميـذ
يـامـيـر مـا جـيــتـك لـلأمــداد أخـاذ *** مانـي شحـوذ ولا بربعـي شواحيـذ
باغيك لي عـن لافـح الشوب ملـواذ *** وأنت الذي تذري عن الظيم وتعيذ
بعـد الولي أنـت السند وقـت الإنقـاذ *** إلى شانت وجيـه السنين الملاذيـذ
ولا ردي الـشـان عـن واجـبـه شـاذ *** تمضي عـليه سنين والبيـت ماليـذ
دنـيـاك مـا دامـت لـقـيـصـر وقـبــاذ *** وعلى النبي صلواعدد رملت حنيذ
وقلت من قصيدة أخرى :
عنيت لـك ما قصدي الكسب والفـود *** ولا اريـد بـلـغـه لا وخلاق جبريـل
لاشـك لـي عنـدك لـوازم ومـقـصـود *** حيثك من اللي يعتقون الرجاجيـل
نـاصيـك بالـلي دونـه الـبـاب مـردود *** افـزع بجاهك يا زبـون المداخيـل
أعطف على الـلي كنهـا ناحـل العـود *** تندب ولدهـا كـل مـا جرهـد الليـل
دلـت تنـوح ولا بـقـا لصبرهـا حـدود *** عـلى جنين فـوادها تزعجـه ويـل
يـاحيـف كـانـه جيـب يـامـيـر مقيـود *** دون الشرف والحر ما يقبل الميل
وقلت من قصيدة أخرى :
يـامـيـر جـيـتـك يـا زبـون الـونـيــه *** باغيـك ذخـر بوقـت عظـم الـرزايـا
يـامـيـر جـيـتـك حـاجـتـي معـنـويـه *** ناصيك واشـرح لـك جميع الخفايـا
ياميـر أريد أبـدي عليـك الشكـيـه *** يـعـبـأ لـهـا شـرواك ذيـب السـرايـا
ناصيـك يا مشكـاي عـنـدي قـضيـه *** نـاصـيـك يـا حـلال صعـب القضايـا
ينخـاك مـن صـارت عـليـه الـدعيـه *** يـالـنـادر الحلحـيـل سـتـر الصبايـا
زبـن المجـنى الـلي عـليـه الجـنـيـه *** مـدمـي ورمـاه الـقـدر بـالـخـطـايـا
نـطـلـب عـسى يـاميـر تـقـنع ولـيـه *** وتـفوز بأجـره حين تصفي النوايا
عـنـيـت لـك مـا مـقــصـدي مـاديــه *** ولاني من اصحاب النفوس الدنايا
ولا جـيـت مقـصودي ادور العـنيـه *** ولا اريـد بـلـغـه يا جـزيـل العـطايـا
الـنـفـس عـن مـد الـخلايـق غــنيـه *** ورزقي عـلى رزاق عـمي الحيـايـا

اهلا وسهلا بك ابو مشعل حياك الله وبياك
اشكرك على عطر ثناءك وهو وسام فخر نعتز به ، لاسيما وان كانت من شاعر عنزة
لاهنت وصح لسانك على هالدرر ، عزالله صدقت
النفس عن مد الخلايق غنيه ..ورزقي على رزاق عمي الحيايا
وابياتي في صميم ماقلت وابديت هذا الجانب مردا في مناسبه، وكما قلت وهو يتجلى في قولك :
يـامـيـر مـا جـيــتـك لـلأمــداد أخـاذ *** مانـي شحـوذ ولا بربعـي شواحيـذ

لاهنت يابومشعل وتقبل تحيتي العطره لشخصكم الكريم