نـسـنـس هـوى قــــــلبــي وبــدا فيـــه رزاز=ارعـــد رعــد جــوّه وبــانــت مغــاريــز
صــلــف الهــواء لــمـدلــهــم القــاف كـــزاز=فــكــر ٍ غـشـاهــا يعــجــّــز الـشــعــر تــعــجـيــز
ســاق وتمــروح مـــن ورى دار عــــنـــــاز=يـــضــفــي عــليـهــا شــامــل ٍ كـــل مــاهــيــز
نــجـــد وشمـال وشـــرق مع غــربهـــا حــجــاز=ومــــن الــبـلــيــخ لــــــــحــد ديـــرة قـــنازيز
سـحـابـــة ٍ مــا خلّــبــت بــرقــهــــا نــــــاز=هــلــت وشــلــت واستـتــمت مناجيز
رعّـــادهـــا يـقـــصــف ثـــقـــــيـلات الأرواز=وهـبــوبــهــا صــلــّخ صــفــا صـافــي إبــريــز
لا شــلهــبـــت نــيـــــــرانــهــا وزت اوزاز=مــرو ٍ تقــادح بــالـصـفـا لــه مـفــاريــز
هـشــيــم قـفـر ٍ وانــصــلـق فوقها قــاز=هــاجــت وراجـــت وانــبـلـج كــل تـرمـيـز
مــن فـيــض غــيـضــي سرْهَـجَـن للملا اجواز=لادرهـمــن هــيــق ٍ لكح لــه طــلــق تـيــز
عــوص ٍ تــنــازى لـخـــايع الـقــاع تجتــاز= هــجــف ٍ مســاليــع ٍ تعــدّن معــازيـــز
في ســاح صــدري ذومـلن جالهـــن عاز=من جــم بـالــي صــدّرن بالـرواجيــز
جــواهــر ٍ فــي صــدر قـصـر ٍ لــها حــاز=امـسـيـّس بـفـــولاذ مــاطـــبــــه إبليـــــز
مـن فــوقهــا حــر ٍ عـلـى راس مــركــاز=بــيــن الــسمــاء والغــيــم طلعه نوازيز
لــه مــاكــر ٍ ماهــو عـلــى حــد شيراز=فـي غيـهــب بين الغيــاهـيــب دهـلـيــز
لـيــا جــرد يســرد صعــيـبــات الألغـاز=وليــا اتـقــى يقــصـر عـنـه كــل لـمّيـز
وســّاق دفــّاق الــمعــاني بالأرمــــاز= لــومــاح مـاعــدوا براسـه مجـاويـز
لــهـّـاب سـهــّــاب اللـواحيـــظ قزاز= شهّــال مانـاشـــه خطــاة المجاريــز
مـفــراس مـاهــازه مباعـيــث خـراز= صـم الـصخـر يودع رضمها مغـازيز
ناش لعـصى مـوسـى وزعجها بـلا ايعاز= مع خاتم سـليـمان يرهـي هــواويــز
فـكـر الـمسيـكي يصـهـر الـقـاف بإعجاز=مـعـنــاه صــوره والــقـوافـي بـراويز
من ســاس ربــع ٍ ماتجـي كـل منهــــاز=مــن دور وائـــل نــافــلـــه مابهـا خيز
لا ضـلـهـبـت شـبـت مــثـل نـار خـزاز= تدحم عـلـى الـموت الحمر دون تـرهيـز
صــيــارم ٍ تــقــطــع وتــن كــل لـمــاز =ســهــــوم ٍ تـمـثـنى للـمعـادي مـكـازيز
للــي بـدا شــلـفــاي والــقـاف حـزاز= أجــيـز شـي ٍ جاز وإن جار ما اجيــز
نـــرهــي على مبـداه ونـقــول بإيـجــاز= ندرك خـوافـي ألــبــاب جتنا مهاميز
دامــــه بــدأ بالــقــاف والــقــاف ماجاز= نــحــط مــن دون الــمعــاني مراكيز
مـضـــمــون ملفـــوظــه بــدا لي استفــزاز= أخيـــر لــــو خــــلا علــومه مكـانيز
عــنــاز ما تـطـــلــب مــعــونــه وتعـتــــاز= عـنــد الطــلــب أولاد وائـــل مفــازيــز
ينــكــف ويــرجــع مــن بـغـى حــد عناز= بالشعر والا فــوق عــوص ٍ بهن ميــز
يــامـــا قــطعــنــا مــن مهـاميــه الأجــراز= لا مــا حــجــزنا دونــهــا كل حــجــّيــز
ويامــا بدعنــا أشعــار مضمونها انجــاز= مــاهــي خماليـق ٍ تـــلــزز تـلازيــــــز
الوائــلي يــرهــج سـمــا الشعــر لا هــاز= يمـطــر سخـط والقـاع جـالــه تهــازيز
قلته و سيــلــي لمهمه الـدو هـزاز=ســاوى الوطا مصمادها والتغاريز
وان كان فيــها ياهــل العرف منــحاز =مني انـتهت عالجـتها دون شيـنيـز
واللـي انبنى قبلي بــدا بـــه تطنــاز= سـاســه غــدى بحـلقـــه يحــط المتاريز
لا عـــزّهــا عــنــاز مــــالك بهــا اعــــزاز=راجـــع دروبــك دام بالــــقــاف تــــخــريـز
مــا للــقــوافــي بعض الأحيـان مبــــراز= تحتـــاج قــبــل العــرف حكمه وتمييز
ودام إن غــزل الــشعــر مـن دون منشـاز=بــاقــي عــمــيــتــه مــالــه إلا التــلاويــز
هــذي ركــابــه لـفـهـا الخـاز والباز= دون المفــالــي تقصــر الرعي بالجيــز
أقــفــت عــليــهــا أيامـهـا وصابهــا انحاز=علمي بهــا رجـزا لــفــوهــا جوازيــــز
حفـيــت وتــضـلــع وأر بهـا تـالـي حجاز= عــوصــا ذلــول ٍ مار صــارت جــلــفــزيــز
شفهـــا وتعيــنهــا عـلــى كــل تــلفـــاز= تــــدرك مـعــانـــي مابـنيـــنـــا عـلــى ايـــز
يوم إنهــا لازت على كـــل ملــواز= الــبــاب حيـــّا بالــقــلــوب المراميـــز
حنــا عزيــنــا وغيــرنــا اليوم مــاعاز= الـفكــر يــرهــي وكمـل الـقـاف تطريز

.
.
.