لبيك ياللي كل الآسلام ترجيك
يأمدآول الدنيا وللكون بآنـي
منجي سفينه نوح بسمآك أناديك
يا مرجع ليعقوب عقب امتحاني
الوذبك ياخالقي واعتصم فيك
واعوذبك من جور وقتِ دهاني
ومن بعد ذكر الله ياقلب وش فيك
هيضتني وانا ادري انك تعاني
خل الحكي بيني وبينك واناجيك
واحذر تجاهرني عيانَِ بياني
ولاتبيح سرك للذي مايهقويك
معميه حقده والحسد مايدانيك
يبي عن علوم المشاكيل يثنيك
عكس الجمايل بالفعايل يجازيك
ولاعد نور الله خبيث المجاني
يكمى حسب فعلك ويشمت بماضيك
يبحث عن الزله ويكمنى الحساني
يموت يامن جيب بالخير طآريك
ميتً ظمير منأفقي ً هدانـــي
مساح جوخ ابن الدجاجه من الديك
ولايرتفع بالجو طير الطماني
حاسدك كلمة نعم لو مايلاقيك
وارض الصبخ ماتنبت الزعفراني
ارض الصبخ لو ربعت ماتعآنيك
منبوتها ماهو من الديدحاني
منبوتها الحرمل وشوفه يآ ذيك
غير العفينه مابها نبت ثانــي
وحشو الزلق بالك تغرك وتغويك
ماهو من اللي يدركون المعاني
وترى الكشاخي لو بهرجه يصافيك
وحذر عشير السوء بالسوء يرميك
يجذب لسانك ونوب يجذب لساني
يجيب لك هرج ً يغثك وياتيك
وهو قلْبينَ كنه البهلوانـي
عليك باللي قبل عرفك يحيك
متبينن كنه سهيل اليماني
ياجيت ديوانه بهرجه يسليك
وله موقفً عند اللزم ما خفاني
شهمً كريم وبالمعاني يباديك
نباه عن كل المواجيب يكفيك
وليا زهمته جاك يزمي زمياني
ومن كبر تقديرك يقدر عوانيك
وزلتك يرفيها وسيع البطاني
مثل الجمل يضر نفسه ويرضيك
ريف الضعيف وريف من جاه عاني
والطًيب لو انه عدومعاديك
عنده مكانك مايجي فيه ثاني
وفي فعله الطيب بالايام يرضيك
شوفه علاج من المواجع يداويك
بليهان شيال الحمول العماني
الطيب لو انه عدو مايخليك
ابد ولا ياطئ الحصان الحصاني
ولا الردي شوفه يغثك ويذيك
شوفه وباء العفن البخيل الهداني
لو يملك الشطين ماهو بمسقيك
الطيب عن يمناه بعد صفهاني
وقال الشريف الحر مايماشي الديك
ان رافقه يمشي طمان بطماني
وشكواك للي مايعزك ويغليك
قمة مذله بالخفى والبيانـي
لاتشتكي شكواك الا لواليك
رب السماء معطي فسيح الجناني