ياحــلاة البــر والــروض الخضـــر
والغــدير إيســاقـي العشــب الكثيــر
ريح عشـبـه فــاح من رش المطــر
بلسـم للي داخـلــه جـــرح خطـيـــر
والســــمــاء متلبـدة غـيــم شَهَــــر
من شــمال طـويـق رعده له هديـر
تلفح ابـروقـه قبـل وقــت العصـــر
ومع المغـرب دِيِمَـتْ دِيمٍ غـــزيــر
سَــيِـلْ الــوديان والخيــر انتشــــر
وأم سـالـم من فـرحـها ما تطيــــر
مختلط بريضانه أنــواع الــزهـــر
من صغير الزهـر أليا حـد الكبيـر
البختــري والنفـــل فــيها ظهــــر
والرشاد بوسـط ريضانه صغيــر
ومن سكن فى البر مايعرف القهر
يحســده في راحتـه حتى الوزيــر
( تكملة الأبيات )
وبالروابي شامخ بيت الشعـر
ربعته للضيف والجار القصير
رايب الفنجال بدلال صفر
والنجر بالليل صوته له زوير
وألف راس الضان مع ذود عفر
تقطف النوار ما تعلف شعير
اتمنى ان تنال استحسانكم
من نزف قلمي
الغريب ابوسامي
20-3-1431هـ