السلام عليكم ورحمه الله وبركاته
اشكرك اخوي عبد الله بن عبار
على نقل قصيدتي لمنتداكم
ولكن فيها بعض النقص
وهذه القصيده كامله
ولكم جزيل الشكر
راكـب الـلي مـا شـروه المفلسين ** مركـب شيوخ تحـل المشكلي
منـوة الي بالسـفـر مستـعـجلين ** رنـج روفـر ماورد مـثله حـلي
من ضواحي الخرج روّح للبطين ** مـرسليـنـه بالـتحـيـة لسهـلي
سعـد دخيل الله عشيـر الغـانميـن ** صامل الوقفات وأسمع مايلي
لا دخلـت مـع البلـد نـاظـر يـميـن ** وأفهق الجامع وخلك مشملي
تـلـفـي بـيـت مـدهـل لـلـطـيـبـيـن ** ودلـة مـن فـوق نـار تصطلي
بـيـت أبـن عبـلان ذبّـاح السميـن ** فاتـح بابـه يقـول أقـبـل عـلي
شوف عيني وأسمعوا ياسامعين ** يفـرح اليا شاف ضيف مقبلي
قبلي عبدالله راعي القول الثمين ** يمدحه وانا معه سقت جملي
يمدحـه لانـه كـفو علمن يقين ** أبـو مشعـل عـالـم مـا يجـهـلي
وأنا والله مـا مدحـت الخايبيـن ** ولا مدحت أرجي العطا وأنا ملي
مارأخو صيته سعد ذرب اليمين ** بمدحه واللـه عـلى عباده ولي
جاذبه عـودن وفـاء دنيـا وديـن ** مـن ربـوع سهمهـم مـا ينطلي
هـذا وأنـا لـي طلـب وقـل آميـن ** أنـك تـشّـرف محـلي يـا سهـلي