موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - أبيات موعظه للشاعر عبدالرحمن بن عبدالله العبار

قال المطوّع الشاعر عبدالرحمن بن عبدالله العبار هذه الأبيات من شعر الحكم
وهي من أول انتاجه الشعري :

نـقـل الحكي بـين العـرب سهم فتاك *** حـيثه سبب بـعـد القـريـب المـوالي
الـلي يـبـش ويـبـتسم حـيـن يلـقـاك *** يضحـك وقـلـبـه منـك يصلاه صالي
وأن دك في قـلـبـك مـن الهـم دكـاك *** يـفـرح ومـعـلوقـه مـن الهـم خـالي
ومن دون ما تعـمـل خطيه تـبلـواك *** دربـه عـوج ممشاه مـاهـو عـدالـي
يكـره من عـلـوم الفضيلـه سوايـاك *** ولابـه ذرى عن جور سمـر الليالي
يوقـف بصـف الـلي يسبك ويشنـاك *** ولا يـقّـدر الصحبه عـطاه الـزوالي
نصيحـتي لا تـقـدّر الـلاّش لـو جـاك *** تـراه يـنكـر بـك ولـو كـنـت غـالـي
حيث الـردي عنـد المواجيب ينساك *** مالك ومال أهـل الغـوى والضلالي
أنص الـرجـال الـلي تعـزك وتـحماك *** وتـذب عـن عـرضك هزيل المقالي
الـلي الياجـت سيرتـه قـيـل شرواك *** ضميـره اصفـا من القـراح الزلالي
الـلـي الـيـا حـلـت لـوازمـك لـبــــاك *** الصـافـي الـوافـي بـعـيـد المـدالـي
لا جـيـت لـه هـّلا ورحـب وحـيـــاك *** وأن أنتحى تشتاق له ما أنت سالي
احفظ سلوم الطيب من طيب مجناك *** واشمخ كما تشمخ عـظيم الجبالي