|
قصيدة الشيخ الأطرق بن هذال ومجارات أبن عبار له
هذه القصيدة سبق وأرسلها أحد الإخوه رساله عبر الجوال ولم يذكر صاحبها وقد كتبت أبيات رد ثم ارسلها لنا الأخ سليمان بن مطر ضمن القروب وأتضح أنها من شعر الشيخ الأطرق بن بدر المهلهل الهذال قالها لما سمع كلام من رجل يعرض بقبيلة عنزه عندما لم يكون لهم أبل مزاين فأجابه الأطرق بهذه القصيده :
يـا صاحبـي كـنـا ونـبـقـى حـلاحـيـل *** للمـجـد نـرقـى فـوق قـمة جـبـلـهـا أفـهـم عـدل لا تـأول الوضـع تأويـل *** والكلمه العـوجا مـن المـزح شلـهـا يـوم أنهـا بالسيف والـرمح والخيـل *** نـملـك مـزايـيـن الأبـل مـع فـحلهـا نغير في وسط الضحى ووسط الليـل *** ونجيبها غصب عـلى خشوم أهلها ويــلان حـنـا فـعـلـنــا لــه دوالــيــل *** ونـردم عـلى كبـد المعادي اعـللهـا وأن زعـردت أم العـيـون المضاليـل *** وقامت تنـاظـر كيـف ردت فـعـلـهـا نشوش من زود السطـر كالمهابيـل *** والمـوت أحـلا عـنـدنـا مـن عسلهـا مـتورثـيـن المجـد جـيـل بـثـر جـيـل *** فـتـخـان الأيـدي كـاسبـيـن نـفـلهــا ويـلان حنـا أهـل الكـرم والمعاميـل *** عـاداتـنـا مـا غـيـرتـهـا افـلـلـهـــــا لضيوفـنـا نـذبـح مـن القـرح الحيـل *** وقصيـرنـا مـا يـشتـكـي من ملـلهـا والحـمـد لـلـه يـوم صارت تساهيـل *** جـاهـا الـزعيـم بـديـن ربـي شملهـا يـكـفي يـمثلـنـا مـن النـفس حلحيـل *** مشعـل أخـو نـوره بـجـوده كفـلهــا مـادام صارت بالـذهـب والتهـاويـل *** وأحيـت عـليـنـا عـنصـريـة جهـلهـا ماعـاد نبـغـي مـن وراهـا محاصيل *** وقـلـوبـنـا لـلـخـيـر ربـي عـدلـهــــا نعطي الفقيراليا شكى العوز والويل *** نـجـود والـرمـلا عـطـانـا وصـلهــا وضعـيفنـا نـرفى خمالـه عن الميـل *** أخـيـر مـن دفـع الـفـلـوس بجمـلهـا ونـذلـل ظـروف المساجـيـن تـذليـل *** ونـعـتـق ارقـاب دافـع الـلـه أجـلهـا يـا صاحبي نـقـدر وفـينـا لهـا حيـل *** ونملـك ملايـيـن الـفـلـوس وهـلـلهـا وإذا رغـبـنـا بـالليـالـي الـمـقـابـيـل *** تـشوف ويـلان السعـد وش عـملهـا قـلـتـه وأنـا مـا ودي القـال والقـيـل *** حسبي عـلى الـلي حيل كبدي دبلها وقال عبدالله بن دهيمش بن عبار هذه القصيدة مجاراة لقصيدة الشيخ الأطرق بن بدر المهلهل المنديل الهذال : يعـيش أخـو بتـلا من أحـفـاد منـديـل *** نسـل الـذي روس المـعـالـي نـزلـهـا الـقـرم أبـن بـدر عـريـب الأخــاويـل *** عـوج الهـروج التايحـه مـا حـمـلهـا قـاس العـلوم وحلـل الـهـرج تـحلـيـل *** ولا يكتـرث بالـلي السوالـف نـقـلهـا كـلام الأطـرق صدق مـابـه تجـاهيـل *** وبالحـلـم نـفسه مـا تسارع زعـلـهـا الـطـيـر يالـمنـعــور مـا كـدّر الـنـيـل *** والـنـاس تـفخـر في محاسن عـملهـا غـوش عـنزه ريف البداة الهواشيل *** كـان اخـتفى محصول نـاتـج سبـلهـا عـاداتـهـم صـد العـصـاه المـغـالـيـل *** لا نـقـضـت هـنـف العـذارى اقـذلـهـا مـضالـهـم يـوم المـراجـل مـفـاعـيـل *** كـم مـن حـليـلـه فـجـعـوهـا بـرجلهـا يـوم الجنـب عـنـد أمـهـات المخاليـل *** أولاد وايـل فـعـلـهـا مـا فـشـلـهــــــا قـطعـانهم تـرتـع مـن سلـوك للهـيـل *** وحـتى حـمى الحويـان تفـلا بدغلهـا مـن غـربي الـحـره اليـا ديـرة ثميـل *** بـاجوا جميع حـزومـهـا مـع سهـلهـا المـجـد يـدرك بالسيـوف المصاقـيـل *** والطيـب مـا هـو فـي مـزاييـن بـلهـا كسب المـراجـل بالـرمـاح المنـابـيـل *** الـلـي مـنـاعـيـر الـرجـال أيـهـبـلـهـا مبـطـي فـخـرنـا بالسنيـن المسامـيـل *** عـادات أهـلـنـا مـا نـدوّر بــدلــهــــا يـامـا بـوايـل مـن نـوادر مـشـاكـيــل *** مـا زايـنـوا بـالـنـوق فـي محـتـفـلهـا منهـم عـقاب الخيل من خلفت شعيـل *** مـا يـنـطـح كـان الـشـوارب فـتـلـهـا ومشعـان أبـن هـذال يـوم المصاويـل *** يـامـا صـوابـيـر الـمـعـادي عـزلـهـا وأبـن بـكـر مشعـان ذيـب الرجـاجيـل *** الـغـافـلـه مـا يـوم قـالـوا عـقـلـهـــا وبرجس غديرالموت فوق المشاويل *** الـيـا عـثـا بـالـقـوم يـرمـي بـطـلـهـا وجملت ضنـا عـنـاز ماهـم مساهـيـل *** مـن جـالـهـم مـظيـوم يـدلـه ويـلـهـا |
نعتذر من صاحب القصيدة تم مسحها لأسباب لا تخفى |
الأخ الذي كتب باسم معزي عناز لا يوجد مكان في هذا الموقع للكتابات التي تسيء لأحد ونرحّب بالمعلومه الصحيحه والرجل الذي جاريت قصيدته من سراة القبيلة ومن أسره أبعد من نجوم الثريا عن اللوم لأنهم صغيرهم وكبيرهم يشرفون القبيلة في الصفات الحميدة من العفه والنزاهه والكرامه والتواضع والرجل وجه القصيدة لشخص كرر الاستهزاء بقبيلة عنزه بما يشابه المزاح الثقيل وهو يعلّق على موضوع مزاين القبائل ويحتقر عنزه لأنها لم تزاين وليس هذا العيب ولكن ذلك الرجل أخطأ فأفهمه الشيخ الأطرق بأن الفخر في مكتسبات القبيله من المجد في الماضي والحاضر وأذا افتخر فهو محل الفخر فهو من الفرع الذي لقبوا شيوخ الشيوخ وهذا اللقب كافي بأن يعتز ويفتخر بجدوده لذلك فأن ردك لا يلائم لما ورد في القصيدة من الدفاع عن مجد وفخر هذه القبيلة وعلى هذا الأساس تم مسح القصيدة
|
جيتك يا بن عبار للحق نشاد *** ما دام بالدنيا مشاريه لآبه أبي انشدك بالحق يا قرم الأولاد *** يا دام باقي للإجاويد ثآبه ترى جوابك يشفي القلب وافواد *** ومثلك طليب الحق ما يوم عابه وش الخطا بالقيل كان انت نقاد *** يا مرجع الويلان عطني صوابه وأنا لكم بالحق والنصح منقاد *** يا محصيٍ مجد الفخر في كتابه أي الذي حافظ على مجد الاجداد *** وأي الذي صار العدو ما يهابه الساحق أللي فوق فعل الفخر زاد ***والماحق اللي مجد جده عثى به يا عبدالله بن عبار والله ثم والله ثم والله انك تمون علينا بالدم وبالارقاب ولك الحق علينا اننا ما نتقلط بشي وانت بيننا ولكن لي عليك يبن عمي حق وشرهه انك ترد علي وتنصحني وترشدني بدل ما تحذف كامل القصيدة وانا علي حق اني ماطلبتك الاذن قبل كتابتها وانت الذي كلٍ يشهد لك بانك انت الوحيد اللي دافعت عن عنزة عن بكرة ابيها ومرجع لعصم الاشناب وتدري عساك ما تدري بشر اني استطيع نشر قصيدتي باي مكان ثاني لكن ما بغيت والله انشرها الا عندك وابي اجاري بها بن هذال اللي هو (شيخ شيوخ عنزة) وأعدك أنني لن اعيد كتابتها إن ما اذنت لي لا هنا ولا في اي مكان ثاني ويا علها من فداياك يا بومشعل ولك مني قبله على جبينك وارجو العذر ان كاني عن الهدف زليت |
حيّاك الله يا معزي بن عناز القصيده كما جاء بالمثل العربي ( ترى عين مالا ترى الثانيه ) فأنت ترى أنها مجاراه ولكني أرى أنها لا تخلوا من المعاني الغامضه والرجل الذي وجهت القصيده له لا علاقه له بالموضوع الذي ترغب أثارته وهو ما حصل من بعض المحسوبين لأنه رجل محايد والذين أساءوا لنا هو ليس منهم ومثل هذه المواضيع لا داعي لنشرها لأنه لا يخدم لذلك أعتذر عن حذفها وإذا شخص من القبيله يقبل نشر ما يسيء لي فأنني لا أجاريه والذي نرغب نشره هو المعلومات التي تفيد القبيله وقصيدة الشيخ الأطرق في محلها ويحق لنا مجاراتها
|
| الساعة الآن 06:29 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd