|
حبي له اصفى من قراحً يمزي
حبي له اصفى من قــــــــــراحً يمــزي .................................................. الله علـى اللـي لازهمتـه ينــزي ,,,,,,,,,,,, مــا يدانــي البتـرول والنـوع ممتاز من ديـرة نيـويـورك للشـرق دزي ,,,,,,,,,,,, بالغـرب صمـم مـا تصنـع بالاهــواز هو غايتي هو شف روحي واعزي ,,,,,,,,,,,, وانا تـراي لســوبـر الجمس منحـاز الجمس عندي ما يضـاهيـه بنـزي ,,,,,,,,,,, ياكـود بونـغ لسـرعة الصوت يجتاز جــديــد مــابــه رقـلــةً او يـــرزي ,,,,,,,,,, وارد حـفيـــز البـهبـهـانـي وبـــه فـاز ليـاجـاك احمـر والطـوارف ابـرونـزي ,,,,,,,,, شف الذي شفقً على شـوف الاعـزاز يطـوي الفيـافي طيـة اقماش قـزي ,,,,,,, بيـديـن راعــي صنف وانجـز بـه انجـاز القلـب يـاعــايـض بصــدري يـفــزي ,,,,,,,,, اليـا طـرالي صـاحبــي يــا بـو فـــواز ليا اوحيت انا طــاريه قلبـي يـهـزي ,,,,,,,,, يـرجـف كمـا الجــوال لاصــار هــزاز غــروً فـراقـه حــزحـز القلـب حــزي ,,,,,,,,, يـا كــن كـبـــدي يشـتغـل فيـه خـــراز ابــو ثـمـــــانً كــنهــن حـــب رزي ,,,,,,,,, كاللـول واليـاقـــوت مـن دار الابـخـاز بـعـينـه تـقـول ارمـاح يـومـن يخـزي ,,,,,,,, ســهوم تسـل الـروح بافــراد واجــواز الصـاحــب اللي مـا لغيــره يعـــزي ,,,,,,,, وانـا خـفوقي من هـوى التـرف ما جاز اللي لغيـره مـا صـفـى واسـتخزي ,,,,,,,,,, ابــو جــبيــنً تـشـبهـه لـمبــة الغـــاز قلــب الربيّــع عـن سـواه اشمئزي ,,,,,,,,,, وانـا خـفـوقي لاريــش العيـن مـعتـاز ما طعـت انــا بـه كل واشـي يـوزي ,,,,,,,,,, حبـي لـه اقــوى من حــكـي كل لمّـاز حبـي لــه اصـفى مـن قـراحً يمـزي ,,,,,,,,,, بشــفي خـــودً يشــــــربنه بالاكـــواز حــبـــه عـفيـف ولا بـحبــه تـخـــزي ,,,,,,,,,, ولا حـرمه ولـد السديسي وابــن بــاز ولا قيـل بــه عيــب وعـــار وتهـــزي ,,,,,,,,,, شـــوقي بعيـدً عن طلاســــيـم الالغــاز محشــوم عن هــرجة خبيثً يــكزي ,,,,,,,,, هـــرجً عــن اللـي فيـه فـرق وتـميّـاز واليــوم يـا عــايض لــه البـعـد لــزي ,,,,,,,,, دونـه حمــاد الشـــام مـع نجــد واحـجاز ولا ياصـــله مـرســـولنــا لــو نــدزي ,,,,,,,,,, ايضـا ولا جـا عـلم مـــن ســيد الاعزاز وش حيلة اللي بالهوى ما استعزي ,,,,,,,,,, وعمـره قضـى مابيــن غبــن وتلعــواز ولااتلـــوم قلـــبً بــالحنــايا يـفـــزي ,,,,,,,,,, تـفــزيــــز طيــرً بـوســـط الشــبك نقـاز محمـد بن ســوعان الربيّـــع </b></i> |
أخينا محمد بن سوعان الربيّع الله يقوم بعونه فهو يشكي من فراق من يحب وظروف الحياه ويدل شعره على أنه لا يزال قلبه أخضر إما أنا يا محدثكم فقد تعهدت على النفس حسب ما جاء في هذا المقطع من أحد قصائدي التي سبق وأن أسندتها على الرجل الفاضل والصديق الوفي مبارك بن عمران الأدغم السبيعي أحد رجال الثقافة والأعلام حيث منها قولي :
وأخبرك أنـا غيرت وضعي من العـام *** والحـمـد لـلـه يـا فتى الجـود تـبـنـا ونسـت حـالي بـالـقـوافـي وأنـا غـلام *** والـيـوم دارن الـلـيـالـي وشــبــنـا وراعي الهـوا قـلبـه شقـاوي ومريـام *** ويـوم الجهـل نستغفـر الـلـه لعبنـا عـن طـرد غضات الصبا خاطري شام *** جزنـا من علـوم الغـزل وأنسحبنا كـنـا مـثـل قـيـس الـمـلـوح إلـى هـــام *** وجـد الكناني فـي تـواصيف لـبنـا والـيـوم لـو يـعـرض بسكـبـه وهـنـدام *** زيـن الحلايـا منـظـره مـا جـذبـنـا لـو عـرض المجمول مـردوع الأوشام *** صديت عنهـا وعندهـا مـا نصبنـا نخشى من المولى وندرى عـلى النـام *** والـلـه عن الطـرق الدنيـه حجبنـا نـغـلي شـرفـنـا مـا نبـيـعـه لمـن ســام *** وش عذرنـا لـو للكـرامـة جـلـبنـا وأستغـفـر الـلـه مـا نقـول العـمـل تـام *** يـا مـا وقعـنـا بالخـطأ ثـم أصـبـنـا |
تسلم يابو مشعل على هالرد الجميل وانت استاذنا ومعلمنا واللي انا اعرفه انك لم تتوب من طرد الهوى لهالحين
لكن بالنسبه لي انا احب العذارا واتغزل بهن والقلب يعشق كل جميل وعلى قولتك المشكله ما قدرنا نتوب من هذا الذنب وعسى يهدينا وعلى راي محسن الهزاني قالو تتوب من الهوى قلت لا لا الا ان تتوب ارماح علوى عن الزرق قالـوا تتـوب مــن الهــوى قـلـت لا لا الا ان يتـوبون الحناشـل عـن السـرق قالــو تتــوب مـن الهـوى قلــت لا لا الا ان تتوب الشمس عن مطلع الشرق فا ياعزيزي واستاذي الفاضل لن نتوووووووب ولك خالص شكري وتقديري يابو مشعل |
صح لسانك وإعتلى شانك أخوي محمد السوعان
وصح لسان ابو مشعل ومن تاب تاب الله عليه ومن وجهة نظري الخاصه بإن الغزل العفيف لابأس به والتغزل غرض من أغراض الشعر الأساسيه علماً أنني لا أكتب شعر الغزل مجرد وجهة نظر تخصني فقط |
| الساعة الآن 05:18 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd