موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - مساجله بين عبدالله بن عبار وندأ خساف الرودسي

( مساجله بين ندأ خساف الحنتوشي وعبدالله بن عبار )

قال عبدالله بن دهيمش بن عبار هذه الأبيات يثني على ندا بن خساف الرودسي بمناسبة أهداء كرتون من الفقع :

جـاني مـن أبن خساف اعـظم هـديـه *** كـرتـون فـقـع مـن الـزبـيدي منـقيـه
سعـره ثـميـن وكيـلـوه خـمـس مـيـه *** الفقعـه الوحـده تـسـاوي لـهـا جنيـه
لاشـــك نـــدأ بــه كــرم واريــحـيـــه *** والبخل ما ايعرفه عسى الله يـقـويـه
مشكـور نـدأ الـلي أرسـل الفـقع لـيـه *** مصفوط ولا ما يـبي قـصـد يرجيـه
الــرودســي نـــدأ عـــزيــز عـلــيـــه *** الـنـادر أبـو أحـمـد نـعـزّه ونـغـلـيــه
أطـرف طـريـفـه والهـدف مـعـنـويـه *** ما قصّر أبو أحمد عسى الرب يبقيه
وعسى الـولـي يـاقـاه مـن كـل سـيّـه *** قـرم الـعـيـال الـلي تـشّـرف مبـاديـه
حـيـثـه كـريـم ومـن خـيـار الـسـميّـه *** شـاعـر ولـفـظ الـقـاف يتقـن معانيه
شـبـحــه بـعـيـد ولا اهــدافــه دنـيــه *** مـرفـوع راسـه مـا تـدنّـق عـلابـيــه
بـه عـفّـه وشـيـمـه وبـه صـفـو نـيـه *** ومن شبته علـم الـردى مـا يـدانـيـه

وقال ندا خساف الرودسي جواب لأبيات عبدالله بن عبار :

جـانـي جـوابك وأنـت راعي الحميـه *** حـي الجـواب وحـي قـافـه وراعـيـه
جاني طلوع الشمس قـبـل اضحويـه *** وساعـة وصلني قـلت يا مرحبا فيـه
قـرايـضـه مـثـل الـعـسـل بـالخـلـيــه *** مـن قـاف أبـو مشعل كلامه مصفيـه
الــقـرم أبـن عــبـار يـثـنـي عــلــيــه *** رد الثـنـاء الشغموم مـاهـو بـناسيـه
مـن عـادتـه يـثـنـي ونـفـسـه رضيـه *** وأطلب عسى المعبود بالمد يرضيـه
عـنـدي عـزيـز واتـعـزّه الأكـثـريـــه *** ونـعـم بـأبـن عـبـار لا حـل طــاريــه
جـني بـيـوتـك يـا أبـو مشعـل هـديـه *** ونعتـز في صوتك مع الناس نوحيـه
ولـدك عبـد الـرحمـن يحـمـل وصيـه *** أبــوه لـعـلـوم الـفـضـيـلـه مـوصـيـه
مـا خـاب صـقـر أبـو مـشعـل ولـيــه *** عـلى الشهـامـه والـكـرامـه مـربـيـه
دعيـت لـه يحصل عـلى الجـامـعـيـه *** عـسـى يـنـال الـفـوز والـلـه يـهـنـيـه
أنـشـدك عــن عـاجـوز دايـم قـويـــه *** مـن خـمـتـه لابـد لـه يــوم تـرمـيـــه
كـل الـبـشـر يـحـبـهـا وهـي شـقـيــه *** وهيهات مـا يوجـد صديـق تخـاويـه
صـديـقـهـا دايـم يـكـون الـضـحـيـــه *** وكم صاحب عـقب الصداقه تـعـاديـه
وآسـرارهـا طـول الـلـيـالـي خــفـيـه *** بـه شي تجهـر بـه وبـه شي تخـفيـه
هـذيـك دايـم تـقـتـلـب تـقـل حـيــــــه *** هـذاك تـضـحـك لـه وهـذا اتـبـكـيـــه
واخـتـامـهـا مـنـي سـلام وتـحــيــــه *** لأبـو مشعـل ريـف المسايير نهـديـه
قال عبدالله بن عبار في حل اللغـز :

الـلغـز يـا أبـن خـسـاف مـيـه بـمـيـه *** مـفـهـوم حـيـثـك يالسنـافي مسـويـه
مـقـصـدك دنـيـا طـبـعـهـا شـقـلـبـيـه *** هي لغـزك الـلي يا فتى الجـود تعنيه
يـجـري دهـرهـا بالضـحى والمسيـه *** ويا مكثر اللي يا أبن الأجواد تغـريـه
صـدام ومـعــمّـر وحـسـنـي خـويــه *** وأدريـس والـبـدر قـلـب بـه بـناخيـه
والشـاه مـن عـقـب الـحـيـاه الهـنيـه *** أصبـح طـرودي مـا لـقـا مـن يلجيـه
بـأسـبـاب دنـيـا مـابـهـا مـرحـمـيـــه *** هـذاك تـبـطـش بــه وهــذا تـعـلـيـــه
تـغـري ولـكـن خـاتـمـتـهـا الـمـنـيــه *** مـن مـات مـالـه لـلـمـورث يـخـلـيــه
وأشـكـر جـنـابـك يـا زبـون الـونـيـه *** يالـرودسي يا عـز ضيـفـه ونـاصيـه