موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الأخ الشاعر محمد بن سوعان الربيّع حيّاك الله قصيدة جزله ووارده ولي ملاحظة على موقف هذا الشطر أرى أن الأصح ( الأجياب ) وليس الأجناب فهل هو كذلك لكي نعدلّه ؟

مـغـزا . هـواهـا وعشـقها ملــي الاجنـاب

وبالمناسبة فأن الشيء بالشيء يذكر فقد ذكرتني في بعض من وصّف النساء من الشعراء وهم كثره ومنهم الشاعر صقر النصافي حيث قال من قصيدة طويله هذا مقطع يقول :

والـحـريـم ابـهـن طـبـايع فـيـهـن الجـمـيـل ضايع
لـو بهـن عـاصي وطـايع كــل الأكــثــر مــنــدعــه

الــنــصــاح ايــبــيـنـنــه والـخـمــال يــدمــدمــنـه
وان بـغــن دربِ يــجـنـه لــو عـلـيـهــن مـسبـعــه

ثـم فـيـهـن مـن حـبـيـبـه رجـلهـا تـشهِـر بـطـيـبـه
واهـني من هـي نـصيبـه لــو مـتــاعـه سْـلَــوعــه

ان طرش وابطى مراحـه أمــنـن قــلـبــه بــراحــه
مـاتـطيـع أهـل الـقـبـاحـه والـجــهــل والُـلــودعــه

ثـــم فـيـهـن شـلــبــديــه تــاكـل الـطـلـيـان حــيــه
والـــردى مــاهــي رديـه مـيــر مــا جـــا تـبـلـعــه

رجـلـهـا لـو جـاب واجـد عـنـدهــا مـاهـو بـيـاجـد
إن سكت فى الفقر ساجد وان تــكــلــم تــسـبـعــه

ثـم فـيهـن مـن تـحـوفـك كـنـهــا تـفـرح بـشـوفـك
وان تبـيَـن عـرق جوفـك بـيــن يـديــه اتـمـصـعـه

تـنـصـحـك وهـي الـعـدوه وانــت تحـسبـهـا حـمُـوه
لا تـــظــن ابــهــا مـــرُوه حـبــل وصـلـك تـقـطـعـه

ولا تــقــول إن الـعــجـوز عــن طـبـايـعـهـا تــجـوز
عــنــد طــاريـهــن تـفـوز تـضـحــك أم الـدعــدعـه

لـو تـصيـر بـزي ضبـعـه مـالـهـا بالـعـمـر شـبـعـه
كــل مـخـلـوقِ وطـبـعـــه ضـــايــعِ مــن طــبــعـــه

ثـم فـيـهـن مـن تـعــيـنـك دايـــمِ يــدهــا بــديـــنــك
عـنــدهـا مـا مـثـل زيـنـك لــو عــلــيــك مــرقــعــه

تـفـتــهــم حـــق الـرجـال عــنــد زوجـات الــحـلال
الـــدقــاق مــع الــجــلال كـــل شــيِ بـمــوضــعــه

ثــم فيـهـن مـن تـحـلـوى شــرهــا يــبــلاك بـلــوى
لـيـن بـلـحــجــة تــعـلــوا فـى ثـــيــاب مــطــوعــه

ماهي مـن تعطيهـا سـدِكْ وانــت كـتـم الَـســد ودِكْ
تـصبـح الهـرجـه بضـدك فــالــنــدا مـــصـــلــعـــه

ثــم فـيـهــن مـن تـحـبـك واقـشر مـاتشـوف جبِـك
وْلحَـمْـتـهـا لــو تـسـبــك فــى جــسِـدِكْ مــربًــعــه

إن تـكـلـمـت افـضـحـتْـك وان تغـاضيت أجـرحـتْـك
وان تـساكَـتْ انْـتـنـفـتْـك نــتــف ريـش الـقـوبـعـه

بــع أقـاصـيـهــا بــدانـي زتـهــا والـعــمـر فــانـي
لاتــحــط ابــهــا مـثـانـي ســـوْ بــيــع مـقـلـفــعــه

ثـم فــيـهـن غـشـمـريــة صـايـبــه ومـجـادعــيــه
عـنـد ضحـكـات الـثـنـيـه مــن يـجـيــهــا تـلـقـعــه

والـسـفـيـه لـيـا نـظـرهـا دايــمِ يــلـهــث بـاثـرهـا
وان بـغــاهـا مـاقـدرهــا بــس يـلـهــث مــدلــعــه

مايطـيـع أهـل النصـيحة لـو لبس ثـوب الفضيحه
ولا اعـضاه بمستريـحـه والــعــيــون مــولَــعـــه

والـذهـيـن لـيـا عـرفـهـا كفْ روحـه مـن طرفْهـا
جـاز مـنـهـا مـاخـرفـهـا لــو تــكــون مـهـيـنـعــه

ثــم فـيـهــن مـن وثـيـق ســدَهـــا ســدِ غــمـيــق
مـا لـنـاشـدهـا الـطـريـق قــولــهــا مــاتــطــلـعــه

ســدَهــا مــثــل الأمـانـه عــنــد رجـــالِ تــكـانــه
مـايهـوجـس بـالـخيـانـه رابـــحِ مــــن ودعــــــه

ومن قصيدة طويله من نظمي فيها وصف الرجال وهذا ما يخص وصف النساء قلت :

حـتى الربايـع بالنعــوت معـروفـات *** هـنـف العـذارى زاعـجـات النعـاوي
بيض العواتـق بالتواصيف خفـرات *** سـود الـمـقـانع لابـسـات الغـشـاوي
يـجـذب لميع خدودهـن تـقـل لنبـات *** يـركـن عـلى قـلـب المشقـى مكـاوي
الـفـاتـنـات الـكـايــدات الـمـكـيــدات *** يـا مـا وقـع بشبوكهـن مـن هـواوي
من يخدعنه شـاف حسرة ولوعـات *** مـالـح نـكـاد الـمـر عـقـب الحـلاوي
كم هايـمٍ من وجدهن مضى الأوقات *** راحـت حيـاتـه بيـن هنـد ومضـاوي
كم من غلامٍ من سبب وجدهن مـات *** بـاسبابهـن لـفـوا عـلـيـه الغـطـاوي
البيـض فيهـن بالوصوف أختلافـات *** مـا هـن سوى مثـل الثمر بالقنـاوي
البيـض فيهـن محصنات وعفيفـات *** الـلـه وهبهـن بـالحشيمـة عـطـاوي
وفيهـن كـذلـك طاهـرات وشريـفـات *** مـا عـرضـن لـمـروجيـن الحـكـاوي
أيـضـاً وفـيهــن سافـلات ورزيـلات *** ضـمـن معـايـيـب الـردا بـالـمـزاوي
فـيـهـن شـيـاطـيـن وبـهـن آدمـيـات *** صقـر النصافـي عـدهـن والخـلاوي
أطيـبهـــن اللـي بـالخـدر مستكنـات *** مـا عــرضـن بـيـن المـلأ لـلـزراوي
مـا يـنـقـبـل تـدويـجـهـن بالمحـلات *** لا دوجـن بالسـوق لأجـل الشــراوي
يـقـودن الـهـلـبـاج للسـوق سجـات *** كـنــه أجـيــٍر عــنـدهــن بـالـكـراوي
قـلـتـه ولانـي لـلـمـخـاليـق شمـــات *** ولا خيـر بـالـلـي مـا كـلامـه قـداوي
قـلـتـه وتـوصيـف الخلايـق كثيرات *** سجلت من وصف المجرب شفـاوي
الطيـب كـايـد والمراجـل عسـيـرات *** ولا كـل مـن يـقــدر يــنـط الـعــلاوي
ومن لا كسبها بأول العمـر هيـهـات *** مـا حـاشـهـا عـود مـن الكبـر ذاوي
تـم الكـلام وبالعــدد عـشـر عشـرات *** قافـي بديتـه مـن ضميـري شفـاوي