|
ثلاثه وعشرين
السلام عليكم ورحمه الله وبركاته
هذي قصيده للمجاراه من الشاعر عبدالله الجميعه اكـمـلـت بـحـسابـي ثـلاثـه وعشريــن *** وعشرين/اسنين ماشفناك يانورعيني من كثر عـده صرت مـثـل المسيكيـن *** الـعـقـل خـف وقـل مـافـي ايـديـنـــــي يمـيـن لـولا خـوفـتـي مـن شـياطـيـن *** اللّاش والهلبـاج وشخـصـن لـعـيـني لاشـق ثـوب الـستـر والـلـه هلـحـيـن *** وأجـالـس المجنـون ولعـب بـطيني وخـلاف ذا ياسـامـعـي قـولـوا امـيـن *** يا الـلـه تـلبسـنـا الستـر يامـعـيـنـي يـارب انـا طـالـبـك يـارب يـاسـيــــن *** ضاقـت عـليـه والـزمن خـان فـيني والـلـه مـا امـلـك يالغـضي مايعشين *** ياكـود بـيـت الطيـن والبيـت ديـنـي والصـك مـرهـون قبـل شهر تشرين *** مـرهون يالمجمول عـنـد الحـنيني مـالـي جـدا ياكـود اصـفـق بـكـفـيـن *** ومـا نـفـع صفـقي نحـرت البطيني وانصئ ارجيمن تـكـد بنينـاه يازيـن *** وانـام فـي ظـلـه لـعـلـك تـجـيـنــي حـتـى حـصـاك الـلي بـنيتـه تـناجيـن *** يمين ريحه يالغـضي ورد صيني وانـوح براس الـرجم ثم ابلع البين *** اوناحت على نوحي خلوج الرديني اومن شوفتي له زال ماكان مدميـن *** اعـرف انـا النـاقه عـفارن رزيني تحوم حول الرجم والطـرش ماشين *** وتمشي على ريح الزفر ماتبيني لـكـن الا يـا الـلـه يـا الـلـه تـنـجـيـن *** يامنجي اللي وسط عدن دفـيـني يا الـلـه طـلـبـتـك ياالـولي لا تخـليـن *** وانك تعوضن عنه ياالله بديني اوياسمعين القاف صلو على الـزيـن *** عـلى محـمد سيـد الساجـديـني سلامت السامعين |
يمرحبا بك يالجميَعه ملاييــن *** بقدومكم نذبح خيار السميني
نبي نجاري قافكم بالمضامين *** وكنز القناعه بالرصيد القيني وبعد الضيق عساك تخلص من الدين *** شكواك هيض خافيات الكنيني الأدمي يصبر على العسر واللين *** وكل شدة ٍ ربك عليها يعيني ان عوكست قشر الليالي بها الشين *** لي تجربه يالقرم بها بخيني انصى الرجال الطيبين الميامين *** فكاكت المطلوب من الدويني خل الرجيَم الي وضعته نياشين *** فكربغيره وأنتبه يا فطيني في الوفاء ذكرت اسم البعارين *** في قصة لها شعيله حنيني وبيت ٍ قديم ٍتذكره تملكه طين *** وتقول مرهونٍ بصكه رهيني وضعك حزين وتشكي الفقر والبين*** مدري تذهن بالمعاني ذهيني وبالعشق مغرم في غرام المحبين *** والفقر حايل بينكم يالثـــــــنيني إن كان ماني مخطي ٍبالنياشيــن *** وبسوق المحبه ماني رجل ٍ بخيني احترت في حل الرموزوعناوين *** وبعض الظروف تحيَر العاقليني لاتطرد المقفـــي وخل المقفيــن *** واقطع عروقه من مكان الوتيني أصبر وتصبر على دمعة العين *** ومن طاع نفسه في هواها تهيني احرص على المسجد وجمع المصلين *** وخلك بالأول بالصفوف اليميني وصلوا عدد من حج مكه ملبين *** على محمد وآله الطاهريني |
صح لسان الشاعرين كفوا وفوا تحياتي للجميع...
|
مشكورين على المرور
نورتو الصفحه |
| الساعة الآن 04:13 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd