موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

موقع قبيلة عنزه الرسمي: الموقع الرسمي لقبائل ربيعه عامه و عنزة خاصه (http://www.bnabar.com/vb/index.php)

- ركن خاص بالشاعر نهير بن رخيص (http://www.bnabar.com/vb/forumdisplay.php?f=112)

- - ياحلو عرعر - (http://www.bnabar.com/vb/showthread.php?t=9283)

نهير بن رخيص

12-02-2013 09:03 PM

ياحلو عرعر -

ياحلو عرعر لولا قسوة أشـتاها
إن ربعَت يازين فيها المطاليـع

مار البلاء كان الشمالي غـــــشاها
من بردها تكسر قوي الاصابيع

إن هبت النكبه تزيـــــر بهواها
من شدها تدمع بها العين تدميع

الارض يجمد فــــوقها نقع ماها
ولاتدفي الفروه وكثر الدرافيع

ومن كان عنده فروة ٍ واشتراها
السوق ولع وارفعوه الطماميع

فقـرالعرب يأتي بجشـــع أثرياها
بأفعالهم زادت علينـــا المواجيع

فـقـراً تفــشى بالمدن مع قــــراها
والأب يبلش في حليب الرضاضيع

الخـــــام والسلعه ذبحنا غـــلاها
ياليت يوضع حد للسوق تشريع

عبدالله بن عبار

12-03-2013 05:55 AM

الأخ الشاعر نهيّر بن رخيّص يقول الشاعر نافع العقيص الخمشي رحمه الله شطر في بيت من قصيدته بالتوجد ( ما تصير مصيبة غير له سبّه ) وسبب غلاء الفري لأنها تصنع من جلد الشاه والشاه كانت أفخر ذبيحه قيمتها 500 ريال وحالياً صارت الذبيحة سعرها 2000 ريال وبما أن الشاه غليت لازم جلدها يغلها وهذا سبب رفع سعر الفري وصح لسانك على هذه القصيدة الرائعة

نهير بن رخيص

12-03-2013 07:50 PM

اقتباس:

المشاركة الأصلية كتبت بواسطة عبدالله بن عبار (المشاركة 44945)

الأخ الشاعر نهيّر بن رخيّص يقول الشاعر نافع العقيص الخمشي رحمه الله شطر في بيت من قصيدته بالتوجد ( ما تصير مصيبة غير له سبّه ) وسبب غلاء الفري لأنها تصنع من جلد الشاه والشاه كانت أفخر ذبيحه قيمتها 500 ريال وحالياً صارت الذبيحة سعرها 2000 ريال وبما أن الشاه غليت لازم جلدها يغلها وهذا سبب رفع شعر الفري
وصح لسانك على هذه القصيدة الرائعة

صح بدنك أبو مشـعل تشرفت في مرورك وشهادتك في روعة القصيده وجمالها وســــام أعتز به وأفخر

الساعة الآن 03:25 AM.