موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

فكري تهيـَض والمـعاني تباريه
واقول يافكري جب الشعر هاته

احضر نقيه وابتعد عن صواريه
بالنـــت نكتب عــن بدايل ادواته

اذا نويت القــــــاف سهلاً اسويه
فكري وســـيع ولايضيق بشتاته

احضر لنا ما اطاب ادنى دوانيه
هـــــذا منا قلبي وهـــــذا شــفاته

إن شفتلي شاعر جزل في معانيه
احب اجـاري في مروري ابــياته

علـى هـــــدف يكون راعيه بانيه
والشعــر مفهومه وضوح بحلاته

في شــــاعراً يجبرك إنك اجاريه
شاعر فحل ودك تســوي سواتــه

وفي شاعراً شعره يغث بمهاجيه
ينزل نزول وكل قـــــوله هــتاته

الشعر سامي والعرب تفتخر فيه
وشعر الجزاله باين ٍ مــن صفاته

والي ورد هداج تشرب ضواميه
ومن لاقدر هــي موته في فـلاته