موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - غزل : ولا مشيت بمذهب الاثيوبي .. وقلبت ماحولك مثل منفوحه

قلبـي تعب من غيبتك محبوبــي
ارجع وضمد كايدات جروحــــه

واترك عشيري مذهب ((الاثيوبي))
وقلبت ما حولك مثل ((منفوحه))
‏
وش زعلــك ياغايتــي ومطلوبــي
مافيه رده بــعــد طــول الروحــه

وصلك مني يالغضــي مندوبــي
وظــروف خلك جات لك مشروحه

غيرت لجلك فكرتــي و اسلوبــي
وبنيت في قلبي عظيم اصروحه

ورفعت لي من مستوا منسوبــي
وعلقت لك في وسط جوفي لوحه

غيرت لجــلك يالحبــيب دروبــي
ومشاعري صارت معك مفضوحه

اخشى يجي يومن وشقق ثوبي
ومن شافني يقول ذا وش نوحه

واقـول هــذي غلطتــي وذنوبــي
انــي تركتــه راح راحت روحــه

واليوم صــارت غالب و مغلوبــي
والكل يمشى في هوا مصلوحه

قلبـي تعب من غيبتك محبوبــي
ارجع وضمد كايدات جروحــــه

ولا مشيــت بمذهــب (الاثيوبــي)
وقلبــت ما حولك مثــل (منفوحــه)

منصور العبار