محمد بن دوهان 10-26-2013 10:25 PM :: قصائد متبادلة بين مقبل الرّماحي ومحمد بن دوهان ::   السلام عليكم ورحمة الله وبركاته قال الأخ العزيز والشاعر القدير مقبل الرّماحي القصيدة التالية مسندها على محمد بن دوهان، حيث قال: يـا محمـد الدوهـان لا تجمّـع الخيـل *** الخـيـل وقـتــه راح وأقـفــت رسـومــه راحــت عـلـوم المـرجـلـة والرجـاجـيـل *** والـوضـع مـاشـي والـبـلاد محكـومـة لـكـن بـلانـا ألـلـي يـحــب الطهـابـيـل *** أللـي مـا يبغـى سلمنـا مـن سلـومـه مـا همّـه إلا ويــن يقـضـي التعالـيـل *** ومن حفلة الأفـراح كبـرت خصومـه والوسم يدخل قبل مـا يطلـع سهيـل *** وراع النقـى والطِّـيـب كـثـرة همـومـه وألا أنت ما قصّرت يا صفوة الجيل *** والضيـف يـا جـا لـك تحـيـي قـدومـه وناديـت فـي توثيـق فعـل الحلاحيـل *** ربــعٍ لـهـم فــي سـاعـة الـعـز قـومـه إسباعٍ تخلّي الضد مـا يمـرح الليـل *** ولا تـهـنّــى مـــــن حَـربــهــم بـنــومــه ولا ودّنـــا تـدفــن فـعــول المشـاكـيـل *** ألــلــي تــحــدّوا لـلـزمــان وسـمــومــه شـيّـالـة الـعــدوان بالـمـعـركـة شــيــل *** فــوق المـهـار الصافـنـات العـزومـه مذللـيـن الصـعـب بالـغـصـب تـذلـيـل *** يــوم الـرجـل مـحــدٍ يـــردّي عـزومــه واليـوم وقـت الـهـرج والـقـال والقـيـل *** وكـــلٍ يـحـقـق فـــي مـنـامـه حـلـومـه وبـلّـغ عبـيـد الـقــرم كـــل التفـاصـيـل *** عطـه العـلـوم وثــم عطـنـي علـومـه قل له ترى يا عبيـد شفنـا التهاويـل *** والطـيـب لــو بـريـال مـحــدٍ يـسـومـه وحــتــى حـمـيّـانـا مـهـايــط وتـظـلـيـل *** وألـلـي يـبــي الـطّــولات كـــلٍ يـلـومـه نــاسٍ تـحـط بـــدرب نـــاسٍ عـراقـيـل *** وصارت ثقتنـا فـي بعضنـا معدومـه *** والقصيدة التالية جواب محمد بن دوهان على قصيدة الشاعر مقبل الرّماحي حفظه الله تعالى: حــــي الـــــذي ورّد عـلـيـنــا الـتـمـاثـيـل *** قيـلـه كـمـا اليـاقـوت صـافـي جمـومـه مقبل عريب الساس عقب الحلاحيـل *** الـنــادر ألــلــي مــــن نــــوادر قــرومــه حــرٍ مـجـرب مــا يتـوالـف مــع المـيـل *** ونفسـه علـى كسـب المعالـي هيومـه يـا مرحبـا بـك عــد جـنـي المحاصـيـل *** مـن البصـرة الفيحـا ليـا غـرس دومـه يـأبــو سـعــد يـكـفـيـك شــــر الـغـرابـيـل *** والغـوج مـا يثنـي الفتـى عــن لـزومـه والوضـع مــا يحـتـاج شــرح وتحالـيـل *** الــنــار مقـبـسـهـا مـجـانــي إشـعـومــه نـجـمـع مـفـاخــر متـعـبـيـن الفـنـاجـيـل *** مــــا هـمـنــا نــقــد الـهـلايــب ولــومـــه نورّخ لهـم مـن دور وقـت المصاويـل *** ومن لا إعتزى بربعه فلا فيـه شومـه أفــخــر بـربــعــي كـاسـبـيــن الـتـنـافـيـل *** عـقــايــب مــعـــلا ســـــواري انــجــومــه راكــان مـــع رشـيــد حـبــس المقـابـيـل *** ومقحـم بـن ريـمـان مــرذي خصـومـه وهجـر وبرجـس مـع خلايـف دعيبيـل *** وهـــزاع لـيــا ثـــار الـمـعـادي يـهـومــه أفخر بربعـي أللـي حمـو وادي الهيـل *** وحمو صواب وما إعتلى من رجومه ربـعـي هــل الـعـرفـا عـصــاةٍ مشـاكـيـل *** أهــل البـيـوت ألـلـي وســاعٍ وضـومـه ربعـي سطـام الضـد مـا هـي دهـاويـل *** يــوم الـزمــان ألـلــي تـــروّع إسـهـومـه ربعـي عــذاب الخـيـل بمـطـارد الخـيـل *** عــوق العـديـم الـلـي بمحانـيـه زومــه وللصاحب أطيب من قـراح الشهاليـل *** درعٍ قـــــــوي وضــافــيـــاتٍ اجـــرومــــه تشهـد علـى مـا كـان فدعـان ورويــل *** وتشـهـد لـهــم كـــل القـبـايـل عـمـومـه وسـلامــنــا لـعـبـيــد عـــــز الـمـهــازيــل *** ســلامٍ أطـيـب مــن حـلايــب إغـيـومـه يــا عبـيـد خــل ألـلـي جــداه التعـاذيـل *** ألـــلـــي يــــــدوّر بـالــقــرايــب ثــلــومـــه إتـــرك خـبــاث الـقــوم خـيـالــة الـقـيــل *** بيـاعـة الشيـمـة عـلــى مـــن يـسـومـه وش عاد لو هو من حساب الزناقيل *** ونفسـه عـن الطـولات دايــم كضـومـه خـلـه يـولـي مـــن حـســاب الدعـابـيـل *** ألـلـي عـلـى الأجــواد ينـفـخ إسمـومـه وإعنـز علـى أللـي يزبّنـون المذاهـيـل *** ريــف الـقـروم ألـلـي بـهـا عــز قـومـه ودنـيــاك يالمـنـعـور تـعـلـي الـمـراذيــل *** شـــف الـحــرار مـواكــر الـيــوم بــومــه والخـيـل لــو هــي مربـطـة بالشناكـيـل *** تـبـقـى الأصـيــل مــعــززة ومـحـشـومـه راكان بن مرشد رشيد المصرب. مقحم بن ريمان ( خيال عنزة ). هجر بن وايل. برجس بن هديب. بن دعيبيل من شيوخ فخذ الوثرة. هزاع الفققي: جد الشيخ متعب بن عبدالهادي حفظه الله وهو مدّب ضنا بشر إذا نوّخت بشر عن بكرة أبيها وكذلك مدّب ضنا عبيد بمناويخ ضنا عبيد ومقدم جمع دلاق. http://shohda.net/vb1/images/smilies/k.s.a.gifhttp://shohda.net/vb1/images/smilies/k.s.a.gifhttp://shohda.net/vb1/images/smilies/k.s.a.gif رابط المساجلة على شبكة منتديات قبيلة السّبعة من عنزة أهل العرفا الموقع الرّسمي.

Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd