|
احذر من الي صحبته قضي حاجه
احذرمن الي صحبته قضي حاجه @ يقضيبك الحاجه ويعلن نكوفــه
اول على بابك كثيرا دواجــــــــــه @ والياحصله مطلبه ماتشوفـــــه يصد مايبي الوصل والمواجـــــه @ والى دعيته قام يشكي ظروفه زرعت به زرعا وترجي انتاجــــه @ زراع صبخا والهبايب تلوفه يروغ روغـات الثعيل ومماجــه @ وجمالة باللاش ماهي مخلوفـه اللي مثل شرواه ترى عـــلاجـــــه @ تطلب من المولى يعجل ذلوفــــه مهف دخانا قفته العـــجــاجـــــــــه @ فرقا مثل شرواه ماهي حـسوفه كلايصاحب من يطابق مـــزاجـــه @ الطير ياقع اليالقا من صنوفــــه التبع صيده من عيال الدجــاجــــه @ والحر من ثدي الحباري علوفـه صاحــــب صخيا ماتعكض حجاجه @ عند اللوازم مايهاب الكلوفـــــــه وحذراك ثرثارا وقلبه هجاجــه @ نفسه على نقل النميمه زهوفــــه هذار ثرثارا علومه ســـماجــه @ دايم على هرجه يكثر حـلوفــــــه من اشعار/طالب الونيس السلمي العنزي |
[SIZE="6"]صح لسانك يا أخ طالب الونيس صدقت في ما قلت وما أكثر اصحاب هذه الصفات ومن توارد الخواطر هذه أبيات من قصيدة طويله منها قولي :
الـمنـتـحـي لـوكـنـت عـنـده بـحـاره *** لابـد عـن وصلـك يجـيـه المعـاسير مـهـمـا دعـيـتـه مـا يـمـرك زيــاره *** لا تـنخـدع فـي واهـيـات الـمعـاذيـر ومـن لا يـودك صد لـو كـنت جـاره *** حيثـه عـلى فـرقـاك يعـطي تباشيـر واللي الـيا جـت حاجته جـاك غـاره *** يشـره ولا عـنـده مـرافـة وتـوفيـر وإليـا قـضى الـلازّم يحـطـك يسـاره *** يجحد وعن رد الثـناء فيه تقصيـر وأن درت بـه لازم تـجـيـه النـيـاره *** ولـو تطـلبـه مـا حصلوه المـداويـر عـلـيـك بالـلي سـلـم الأجـواد كـاره *** أتعب على عـرف الرجال المشاهير وأنص الذي حـط المراجـل شعـاره *** ريـف الهـواشـل والبـداه المساييـر عـرف الرجال أهل الفضائل تجـاره *** لاشك عـرف أهـل الرذايل مخاسير |
| الساعة الآن 08:51 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd