قال الذي جرب وشاهد مع الناس =وعنده من الماضي تجارب ورسه
ياسامعي خذها وصيه من الراس =ؤصية يقولها بطول حسه
الى عمرت البيت جود له الساس =احذر يجي في بنية الساس هسه
لاتناسب الخايب ترى العرق دساس=من كان خاله لاش عرقه ينسه
تري النسب فيه المكاسب والافلاس=خسا رته ماتختفي لو تدسه
كم واحدا عقب الرجا يطوي الياس=الياشاف في عقبه عفانه وخسه
من كان خاله لاش ماحاش نوماس=الزند خامل لو تحاول تمسه
ترى جمال البنت ماهو بمقياس=خضرا الدمن حذراك داره تعسه
شوف الشواهد في عيونك مع الناس=عرين اسود وساكنا فيه بسه
الى هرج وسط الرجاجيل يحتاس=ودك على الخد الموالي تطسه

المشاركة الأصلية كتبت بواسطة عبدالله بن عبار (المشاركة 44083) قال طالب الونيس : قـال الـذي جــرب وشـاهـد مــع الـنـاس *** وعنـده مـن المـاضي تجـارب ورســه ياسامعـي خـذهـا وصـيـه مــن الــراس *** ؤصـــيـــة يـقـولــهــا بـــطـــول حـسـه الـى عـمـرت البيـت جـود لــه الـسـاس *** احـذر يـجـي فـي بـنـيـة السـاس هـسـه لاتناسب الخـايـب تـرى العـرق دسـاس *** مــن كــان خـالــه لاش عـرقــه يـنسـه تـري النسـب فـيـه المكاسـب والافـلاس *** خــســا رتـــه ماتـخـتـفـي لــو تـدسـه كـم واحـدا عقـب الـرجـا يطـوي اليـاس *** اليـاشـاف فـي عـقـبـه عـفانـه وخسـه من كـان خالـه لاش ما حـاش نـومـاس *** الــزنــد خــامــل لــو تـحـاول تـمـســه تـرى جـمـال البـنـت مـاهــو بمـقـيـاس *** خــضـرا الــدمـن حـذراك داره تـعـسـه شوف الشواهـد في عيونـك مع النـاس *** عـريــن اســود وسـاكـنــا فـيــه بـسـه الــى هـرج وسـط الـرجاجـيـل يحـتـاس *** ودك عــلـى الـخــد الـمـوالـي تـطـسـه بعد أن قرأت هذه الأبيات الجميلة من ذات القافية الصعبة حاولت أجاري الزميل الشاعر طالب الونيس فحلبت أشطر القريحة وهي غارزة وأسعفتني بهذا الأبيات وأخينا له السبق ولكني آمل أن أكون قد وفقّت لمحاولة تسخير القوافي ونتجت هذه الأبيات : تـسلـم يـميـنـك يا نسـل حـمـر الأمـواس *** مـن صبـغ دم الـلي سمـيـنً مـجـسّـه يـا طالـب بـن ونـيس شعرك كما الماس *** ومـن لا فـهـم مـعنـاك بـقـعـا تـرسّــه خـل الـردي لـو الـذهـب عـنـده أكـداس *** لـو خـزنـتـه مـلـيـون درزن ودسّــــه ومـن لا يـمـيّـز يـالسنـافـي بـالأجـنـاس *** هــذاك تـوجــر لـو عـلـمـتــه تـبـسّــه مـن لا حفظ عـرقه عن عروق الأدناس *** فـكـره عـلـى شـوف المظاهـر يـوسه والـلي قبس مـن نـار الأجـواد مـقبـاس *** در الـفـخـر مـلسـن رضـيـعـه يـلـسّـه واليـوم بـه خـاب الهـقـاوي والأحـداس *** صــّـدر لــنــا الــبـابـا تـعـالـيـم قـسّـه مـن حـط بـكـلـه صـار قـدوه ونـبــراس *** دايـم يـدوج ويـخـتـرش تـقـل عـسّـه الـيـوم نـاقـوس الخـطـر دق الأجـراس *** والـكـل يشكـي مـن ضـنـاه المـحسّـه الـوقـت يـا طالـب لـكـل الـبـشـر حـاس *** والـكـل مـنـا يـشـتـكـي مـن حـوسّــه

المشاركة الأصلية كتبت بواسطة متعب الفققي (المشاركة 44104) كلمات جميله صح لسانك اخي طالب الونيس تحمل قواميس الان لم يوجد احد يتمشى بها ومجاراة ابو مشعل يشكر عليها تحاكي الواقع الذي نحن فيه . والحمدالله على الامن والامان كنت حفظت ابيات طاروق الهلالي لا اعلم من قائلها من اقوال القدماء كانها تلامس كلماتكم او شى منها يقول زرعت الحساني بالحصاني وغرني- مرافق الحصاني من مرافق اسودها ياحيف ياشم العرانين خلفوا---- اراذل عميان تبي من يقودها موت الفتى موتين موتن من الفنا-- وموت من خلاف الذراري جدودها ومن ماعقب من ذراريه مثله --- يصبح كما نار جر عنها وقودها

المشاركة الأصلية كتبت بواسطة نهير بن رخيص (المشاركة 44105) طالب الونيس صح السانك على هذه الدرر النفيسه وصح السان شاعرنا الكبيرأبو مشعل في مجاراته لقصيدتك0 لكما أجمل التحايا وصادق الود 0