|
{{ حَسْن النوايا الشيخ هزاع ابالروس }}
قصيده بمناسبة إختيار الشيخ الدكتور/هزاع بن عايش ابالروس
[سفير النوايا الحسنه ) من قبل منظمة السلام الدوليه بهيئة الأمم المتحده … ســلام يا راسٍ تميّــز عــن الـــروس=راسٍ شــمــخ تاج المــراجــل لبـُوسه راس العديم اللي كسب كل ناموس=اللي خصال الطيب فيــه مغــروسه لاجاء الحبل من كل الاطراف ممسوس=درب المخـــاطـــر مـــايهـــابــه يــدوسه فعله يغيض نفوس ويراضي نفوس=و محــاول عنــاده مـــريره يـحــوسه من نافسه قلبه من الخوف ممروس=والكبد تغلي مــن قـهــر ومحموسه لخصمه شقى وهم وعقوبه وكابوس=شـــرٍ على وجـيــهٍ غضيبــه عبــوسه حَسْن النوايا الشيخ هزاع ابالروس=شخصيته من كــل عيــب محــروسه ماهو على شانــه غني يملك فلوس=طيبـه سبــب ترشيحتــه لا فلــوسه من حـقــه التتويج والفــوز بالكـُـوس=ومن حــقـــه إنجلّـه وراسه نــبــوسه يوم الزمن قالوا تجــاريب ودروس=ينهل من صـروح المراجـــل دروسه هداج تيمــاء مــايشبّــه على رســوس=وعمق البحــر مـــن يستطيع ويقــوسه وشمس الضحى ماتشْبه لـ ضيّ فانوس=عســــاه عـــنّــا مــــاتْــغــيّــب شمـــوسه من جاه يشكِ الجوع والفقر والبوس=يمنــاه بالسمــن العريــب مغمــوسه يزبن لــه المحروج لــو دونه رمــوس=مثل الربـيع اللــي تروده عســوسه يـفــداه من لـه راي تايــه ومعموس=لو شـار عميـــا فكــرتــه ومعكوسه ماهمّه إلا يكْسي الجسم ملبوس=ولاهمّـه إلا مــايحــرك ضــروسه ولــو حســابــه بالملايــيــن متروس=صرفـه على عيالــه وحالــه يعوسه وابو فهد لاجَــتْ لـ ريّــس ومــريوس=راسٍ يروس الــروس مـاحـدٍ يروسه الله يلوس عيــون مــن يَحْسِده لــوس=وراس سهَمِه يرجع لـ صدره وقـوسه . . . حمد بن سالم الضوّي الجعفري |
حمد بن سالم الضوي الجعفري صح السانك وتسلم يمينك على هذه الرائعه في مدح أبو فهد ويستاهل هذا اللقب الذي حصل عليه الله يوفقه 0
|
صح لسانك وأحسنت يا أخ حمد ويستاهل أبو فهد فهو من أهل النوايا الحسنه والضمائر النقيه
|
اقتباس:
صح بدنك إخوي نهير ويسلم راسك الشامخ لقد تشرفت بمرورك لاهنت |
اقتباس:
صح بدنك ابو مشعل ومرورك شرفني بارك الله فيك دمت ذخر |
الأخ العزيز والشاعر القدير حمد بن سالم الضوّي أبو خالد صح الله لسانك وبنانك وبيّض الله وجهك حيشا عيونك ومن غير سوّ لإفتخارك بعلم من أعلام القبيلة، نفخر بك وبه وبمن هم مثلكم وشرواكم، ويستاهل أبو فهد من يعلي ذكره وسيرته العطرة وما حازه ووصل إليه ونآله هو فخر لكل عنزي .. وفقك الله وإياه لك مرضاه وكثر من أمثالكم وأدام علينا وإياكم ستره وعفوه ورضاه بالدنيا والآخرة.. |
اقتباس:
محمد بن دوهان صح بدنك وكل عام وانت بألف خير وتقبل الله منا ومنكم الصيام والقيام مرورك شرف طال عمرك . وابو فهد لاشك يستاهل كل علم ٍ غانم حفظه الله ورعاه .. وفقك الله لمايحب ويرضى أخي وعزيزي انقى تحيه |
| الساعة الآن 12:28 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd