|
وجه الحقيقه لفه الوقت بقناع ؟؟؟؟
وجه الحقيقه لفه الوقت بقناع ؟؟؟؟؟؟ ................................................. ........... الجـرح ينـزف بالمحــــاني والاضـــلاع ................... ولا هــوب شــرط ان الاوادم تـشـوفــه كنيتهـا بالقلــب واخفيـــــت الادمــاع .................... رغـــم المآســي والألــــم والحســوفـه لاشك نهيــت القلـت عيٌــا ولااطــاع ...................واذعــنت لـــه مجبــور لــو بـه كـلوفــه مابين كــم وكيــف واحــروب واصــــراع ....................... ومابيـن شـك ونــار حيـره تحـوفـه ياشــينها كان ان زيــف الخبــر شــــاع ...ـ..................... وهــذا تحـدث بــه وهـذا يطـوفـه وهـذا يفسرها علــى كــل الانـــــواع ...................... على حســـــب ما يشتهيه ويشـوفـه ولا هـمه اللي صاب قلبي مــن اوجــاع ....................... والنار تكـوي مـن وطتـها اخفـوفه وشلون ابيٌـن ما اختفـا خلف الاضلاع ........................ والناس تفهــم مبتغـاي وتشـوفه وتعـرف مـرامي غاية القلب والدااااع ...................... اللـي جعــل شــوقي يعـانـق حروفـه وجــه الحقيـقه لفـه الوقــت بقنـاع ................... واصبح من المحظور تُـذكر اوصــوفه وانا بـلاي من الذي صـٌم الاسـمـاع .................... وارخى عنــان اوهـام نفسً بـجــوفه طـارت بــه اوهامه الى فجوجً اوساع .................... وخابـت اظنــونه دون ياصل اشفوفه مــا يـدري انـه ضـاع عزي لمن ضـاع ................... اخطى الهدف ثم عاد يصـفق اكفـوفه يامــا ويامــا قبلـه افهـود واســــباع ...................... بانــت كســـيرتهم وشــين النكـوفـه الضلــع مـــن دونـه رجٌـع كل طــمّاع .................... وعقـب الشــجاعه دق بالقلـب خـوفه وده بمشتى فـي محيطـه ومـربـاع ..................... ميـر الحظـوظ السود لـوٌت اسـيوفه محمد بن سوعان الربيٌع |
صح لسانك وفرّج الله همّك وهم كل من تصعبت ظروفه وجار عليه زمانه
|
صح السانك وفرج الله همك وهم كل مهموم
|
صح لسانك اخي محمد بن سوعان عساك على القوه من الله سبحانه لاشك ان الانسان لابد يشقى لانه يتمتع بحواس تجعله يحس بكل شى يخصه او من دائرة اهتمامه ونسمي بعضنا فلان حساس . ولا هناك انسان مالديه اهداف ومبتغى ولكن قال الشافعي مابين طرفة عين وانتباهتها-- يغير الله من حال الى حال وقال اخر اذا جار الزمان فا اصبروا-- فان الصبر من شيم الكرام --
رعاك الله اخي وفرج الله باذنه هم كل مهموم ---- ولو ان القاعده تقول الهدف والمعنى ببطن الشاعر |
اسعد الله جميع اوقاتكم
بكل خير وسرور وفرّج الله كربة كل مهموم ويسر امره لما يحب ويرضى هكذا الايام فلك يستدير بهناء وشقاء بقراده وسعاده وما قدر المولى على العبد جاري آمنت بالله رباً وبمحمدا نبياً ورسولاً وهادياً وآمنت بالقدر خيره وشره والحمدلله الحمدلله الحمدلله ولايحمد على مكروهً سواه نعم اخواني وما الشعر الا ترجمه للاحاسيس والمشاعر وانه متنفس كل قلب يحمل من الهموم اثقالها ومن الاحلام اوهامها ومن الطموحات اجزالها نعم وصدق اخوي الفاضل حينما اورد ذلك البيتالمأثور مابين طرفة عينً وانتباهتها ......يحول الله من حالً الى حالي بارك الله بالجميع وجزاكم الله خير الجزاء تقبلوا خالص تقديري وصادق مودتي |
| الساعة الآن 07:38 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd