موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال أبن هيدان بالقـول الأكيـد**إن نظم القاف بالنظـم حكمـه

الأدب ميزان في لفظ القصيـد**وإن تعدى الصدق قل من طعمه

والمعاني ينتقى منهـا الفريـد**والذكي قولـي بمعنـاه فهمـه

ودك الشاعر يخلي له رصيـد**ماهو دايم الشعـر ملـي فمـه

كل يوم ٍ يكتـب أبياتـه يعيـد**واصبحت له عادة ٍ عنده سمـه

الشعر له موقف ٍ ينظـر بعيـد**ماهو نكث ٍ ينكثه ثـم رجمـه

البحر من لاسبحه لازم يحيـد**يغرقه له موج ٍ عاتي مارحمـه

والعواصف بالبحر ترعد رعيد**قل من ركب السفينـه ودحمـه

ولاتحيزم بالردي ماهو عضيـد**لايغرك لـو تمظهـر بكرمـه

الردي أن جاك ينشب بالوريـد**وكان جيت بحاجة ٍ عنك دهمه

مايقـدَر المشاريـه ويـريـد**وان حصله مصتك مص حلمه

الردي يشره ويطلـب بالمزيـد**وأن نصيته بالمواجيـب هلمـه

وده إنـه يستفـيـد ولايفـيـد**مايقـدر صاحـب ٍ أو حشمـه