|
قصيدة مدح مهداه لشاعر عنزة واديبها / عبدالله بن عبار
قصيدة موجهه للشاعر الكبير / عبدالله بن عبار ,,, نظير مجهوداته لقبيلة عنزة الماضية والحاضرة فهو علم من اعلام عنزة وسيبقى علم
فتحياتي وتقديري له واتمنى ان تحوز هذة القصيدة على رضا الجميع اخذت مابين المحبين جوله=قست الزمان وشفت مافيه حيله ان قلت قولاً قبلك اللي يقوله=وان طبت قبلك مرقبين الطويله وان جبت رايً صعباتن حلوله=لقيت من قبلك يحله بليله وان قلت انا غطيت على الحموله=شداد الخطأ حطيت فوقه صميله الناس فيها فرق والهرج سوله=هذا يجيب وذاك يطلع بديله الطيب ماهو حاصلاً بالسهوله=صعباً على من كان ينسى جميلة ودك على رايك تحقق وصوله=لو كان صعباً يالبناخي حصيله برق وفرق من مشوا وجهدوله=كلاً يبي من فوق متنه يشيله ياسعد من حقق ويضمن حصوله=لو مايحصل ياغير ذروة قليله الفعل فعل اللي عباده سعوله=يجيبها علام سر المخيله الله خلق خلقه وكلف رسوله=ينشر ويقراء كل حرفاً يجيله العنبر الاصلي ربع نص توله=يكفيك طيبة عن بواقي حثيله الرجل يعرف من مبادي فعوله=والزرع حبه مايماثل قصيله واللي يبي روز الجبل مايطوله=لو العواصف مرته ماتزيله ابمدح اللي بالفعول شهدوا له=عبدالله العبار مزبن دخيله الصيرمي يفوز في كل جوله=مثل الصويتي بس تسمع صهيله تكفون ياهل الغانمه صفقوله=اللي تبين دون دم الفصيله اللي يجهز دون ربعه خيوله=بمهنداً بالكف يلمع صقيله انشهد انه عيلماً شرق دوله=مايقدر السباح يقرب مسيله يعيش من كافح كفاح البطوله=تعب على التاريخ ساس القبيله نبراس راس ماتجاهل حلوله=بين تواريخ الرجال الاصيله دايم بوجه الناس تاقف ذلوله=من خوف لاتظلم رجال مهيله يكرم سبال اللي لداره لفوله=شهم عزيز النفس ماهي بخيله والعلم نبراس راسه ينوله=والنفس ماتخضع ولاهي ذليله ماقيل من الصعبات نفسه ملوله=عاش المعلم للنفوس الضليله الشاعر القدير / صالح بن سالم الـــهولا القروعي العنزي |
صح لسانك يا أبو تركي على هذه القصيدة الجزلة من الرجل الجزل وأسأل الله أن يستر الحال وأن أكون عند حسن ظن كل رجل وقور يثمّن الجهد ولكن شهادتك بأخيك مجروحة حيث أنك أبن عم وصديق وجزاك الله خير الجزاء على مشاعرك الجياشة التي لمستها من خلال معاني هذه القصيدة ولك الشكر والعرفان وبيّض الله وجهك
|
قال الشاعر صالح بن سالم الهولا الجعفري هذه القصيدة يسند على زميله عبدالله بن دهيمش بن عبار : اخـذت مــابــيــن الـمحبـيــن جـولــه *** قست الزمـان وشفـت مافـيـه حيـلـه ان قــلـت قـولاً قـبـلـك الـلـي يـقـولـه *** وان طبـت قـبلـك مرقـبيـن الطـويلـه وان جـبـت رايً صعـيـباتـن حـلـولـه *** لــقـيــت مـن قــبـلـك يـحـلـه بلـيـلـه وان قـلت انـا غطيت عـلى الحـمولـه *** شـداد الخطـأ حطيت فـوقـه صميلـه النـاس فـيهـا فـرق والـهـرج سـولـه *** هـذا يـجـيـب وذاك يـطـلـع بــديــلــه الـطيب صعـب ولا يحصل بالسهولـه *** يصعـب عـلى مـن كان ينسى جميلة ودك عـلـى رايــك تـحـقـق وصــولـه *** لـو كـان صعـبـاً يالبنـاخـي حصيـلـه بـرق وفـرق مـن مشـوا واجهـدولـه *** كـلاً يـبي مـن فـــوق مـتـنـه يشيـلـه ياسعـد مـن حـقـق ويضمن حصولـه *** لــو مايحـصل يـاغـيـر ذروة قـليـلـه الـفـعـل فـعـل الـلـي عـبـاده سعـولـه *** يـجـيــبــهــا عــام ســر الـمـخــيـلــه الـلـه خـلـق خـلـقـه وكـلـّف رسولـه *** يـنشـر ويـقـرء كـل حـرفــاً يـجـيـلــه العـنـبـر الاصـلـي ربـع نـص تـولــه *** يكـفيـك طيـبـة عــن بـواقـي حـثـيلـه الـرجـل يـعـرف مـن مبـادي فـعـولـه *** والــزرع حـبـه مـايـمـاثـل قـصـيـلـه والـلـي يـبـي روز الجـبـل ما يطولـه *** لــو الـعـواصــف مــرتــه مـاتـزيـلـه ابـي امـدح الـلي بالفعـول شهـدولـه *** عــبـدالـلـه الـعـبـار مـزبـن دخــيـلــه الصـيـرمـي يـفـوز فـي كــل جــولـه *** مـثـل الصـويتي بـس تسمـع صهيلـه تكفـون يـا اهــل الغـانـمـه صفقـولـه *** الـلـي تـبـيــن دون دم الـفــصـيــلــه الـلـي يـجـهـز دون ربـعــه خـيـولــه *** بـمـهــنــداً بـالـكــف يـلـمـع صقيـلـه انـشـهــد انــه عـيـلـمـاً شـرق دولــه *** مـايـقـدر السـبـاح يـقـرب مـسـيـلــه يعـيـش مـن كـافـح كـفـاح البـطـولـه *** تـعـب عـلى التاريـخ ساس القبـيـلـه نـبـراس راس مـاتـجـاهـل حـلــولــه *** بـيـن تـواريـخ الـرجـال الاصــيــلــه دايــم بـوجـه الـنـاس تـاقـف ذلـولـه *** مــن خــوف لاتـظـلـم رجـال مهـيـلـه يــكــرم سـبــال الـلي لــداره لـفـولـه *** شهـم عـزيـز النـفس ماهـي بخـيـلـه والــعــلـم نـبــراس راسـه يــنــولــه *** والـنـفس مـاتـخضـع ولاهـي ذلـيـلـه ماقيـل مـن الصعبـات نفسـه مـلـولـه *** عـاش الـمعـلـم للـنـفــوس الضليلـه قال عبدالله بن دهيمش بن عبار هذه القصيدة جواب لقصيدة الزميل الشاعر صالح بن سالم القروعي أبو تركي : جاني مـن الـلي يبهج الصـدر قـولـه *** عـذب المـعـانـي والبـيوت الجـميـلـه مـن صالـح الـسالـم مـقـر الـرجـولـه *** الـقـرم أبــو تـركـي اهـدافـه نـبـيـلـه الـلـي لـضـيـفـه دوم يـفـرش زلـولـه *** وفـوالـتـه فـنـجـال مـريـوك هــيـلــه والكـبش ينحـر حيـن تبـرك رحـولـه *** مـا يـذبـح ألا مـن الكبـاش الجـليـلـه عـشـريـن عـامٍ بـيـنـنـا حـال حـولــه *** لاشـك صـالـح مـا تـنـاسـى زمـيــلـه أذكـر بـأبـو تـركـي طـبـيعـه وسولـه *** فـيـه الوفـاء وفيـه التواضع وسيلـه مـا يـقـبـل العـوجـا ونـفـسه زعـولـه *** والصـاع للخـصـم المـعـانـد يـكـيـلـه صالـح غـضب يـوم أنهـم سولفـولـه *** عـن الـعـلـوم الـلـي تجـيـب الفشيلـه أخبـرك عن نسل الـرجـال الـزحـولـه *** صاروا تـبع لأهـل العـقـول الضليلـه الـحـاقـد الـلـي بـالـفـزع عـضـدولــه *** مـجـهـد يـبي بالكـيـد يشفي غـلـيـلـه الـلـي تـعــبّـث بـالـنـسـب وقـعـولـــه *** مـا يـنشدون المـفتـري وش دلـيـلـه الـلـي يـبـي مـجـد الـقـبـيـلـه يــزولـه *** عـاث بـنسبهـا وحـط وايـل هـميـلـه تـجـمـعّـوا لـهـم مـنـاجــي وضـولـــه *** عـلى المهـونـه والـدجـل والخـتـيلـه الـلـي الـشـمـل ودّه يــفـرّق نـزولـــه *** يسعى عـلى الفتـنّـة تـعـدي وعـيـلـه بـيـت عـنـزه قـصـده يـفـتّـق خلـولـه *** يـرغـب هـدامـه مـا تـقـل يـنتمي لـه حـث الـسـّرى مـا يلحـقـه ظـل زولـه *** ضـدي يـحـرضّ فـي نـهـاره ولـيـلـه يعطي عـلى شري الضماير عـمـولـه *** ويدجـل عـلى الـلي مـا يشـم الفتيلـه والـلـي يحـوك الكـيـد مـا نـال طـولـه *** مـلـزوم لـلشـرع الـمطـهّـر نـحـيـلـه اللي شهدوا بالظلم والـلي افـزعولـه *** والـلي تـعـاون بالـضـلال وعـمـيـلـه أهـل الـغـدر والـبـوق دوم مـخـذولـه *** هيهـات مـا تـنجـح خـبـاث الفـعيـلـه والـلي يـدس الـراس تحـت الدحولـه *** يـلـمـز وجـسمـه مخـتـفي بالنـثـيـلـه فـكـّر تشوف بتـالي الـوقـت هـولـه *** الـوقـت يـا صـالـح تـغـيّـر مـديـلــــــه جـرو الثعـل شفتـه يـقـود الشبولـه *** والذيـب مـن جـور الـزمـن عـزتي لـه الذيب يرجـف مـن بغـيم الصخولـه *** مـخـالـب السرحـان صـارت عـطـيـلـه وأن كـان سـادت بالأسود الوعولـه *** وش عـاد ضـل مـن الـفخـر والنفيلـه |
الله الله صح لساانك يالشاعر صالح الهولا القروعي ابيات راقيه وجميله وصح لسان ابو مشعل على الرد الجميل والعذب !!
|
صح السان الشاعر صالح بن سالم القروعي قصيده رائعه في من يستحق وهو كفو لذلك الثناء هو الاديب الكبير والنسابه المعروف عبد الله بن عبار العنزي ويسلم ابو مشعل على رده الذي ليس بغريب عليه الجزاله ولم يتجاهل اي قصيده توجه اليه في رده مع كثر انشغاله وردوده على سيل من القصايد والاستفسارات الكثيره 0 صحت السنتكما وبيض الله وجهيكما على هذه الدرر النفيسه والغاليه 0
|
هالله هالله
صح لسان الشاعر صالح بن سالم القروعي على هالشامخه ولاهي كثيره على الاديب والشاعر والمؤرخ الاستاذ عبدالله العبار ابو مشعل يستاهل والقول على الفعل طيب وابو مشعل من الرجال اللي لياقالوا يفعلون احسنت يالقروعي وصح لسانك وطاب فالك تقبلوا خالص مودتي واعجابي |
| الساعة الآن 11:38 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd