|
هذه القصيده سبق ان اهديتها للشاعر مرير الحبيل العتيبي
هذه القصيده سبق ان اهديتها للشاعر مرير الحبيل العتيبي وتعبر عن نفسها:-
سر ياقلم واكتـــــــــب جزيل المعاني وسلام يهدى بالحـــــــــروف الثمينه يهدى عليكم يارفيـــــــــــــع المكاني يابن الرجال الطـــــــــيبين الحصينه ياهل الوفاء واهــل الكرم والحساني واهل العقول الراجـــــــحات الفطينه يامرير جيتك يـــــــــوم جار الزماني وانت الذي يرجـــى الفرج من يمينه يابو ياسر جيـــــــتك من البعد عاني فيك الرجاء بـــــــعد اللولي مرتجينه انا زمانـــــي صــــار فيــــه امتحاني واشرح لك القصة بهـــدوء وسكينه بغــــــيت حـــيٍ بالمـــحبه بغــــــاني والقرب شرعي صـــــار بيني وبينه دايم على شوفه كثــــــــــير الاماني وقلبي على شوفه تزايد حنــــــــينه يوم ان حظي يم قربه دعــــــــــاني وفرحت قلوبٍ عقب ماهـــي حزينه مرت بنا الساعات مثل الـــــــثواني وكلٍ من الفرحات يضحك جـــــبينه وجاني من الاخبار شيء دهـــــاني قالوا ترى باب الفرح قافلينـــــــــه قلت السبب قالوا لنا علم ثانـــــــي واحترت بامري والطلب عارفيــنه وزبنت يمك ياسهيل اليمـــــــــاني ياعز من عند اللوازم عوينــــــــه وان كان حظي من سببكم عطاني وانجال همي والقهر والغبـــــينه اشكر ثناكم بالخفاء والبيــــــاني ويمناي للمعروف تبقى رهيــنه تم الكلام اللي يقوله لســــــاني بازكاء تحيات الوفاء خاتمــينه |
الأخ أبو محمد الضوي صح لسانك على هذه القصيدة والشاعر مرير يستاهل وهو رجل وقور وحكيم ومن رجال ينصون وقت اللزوم
|
صح لسانك الاخ الكريم ابو محمد الضوي
|
عجبتني وشبهك كنك الطير
عال بالسما عال عالي صح لسانك |
ابو محمد الضوي ونعم وسبعة أنعام وصح لسانك ابيات جميلة !!
|
اقتباس:
تشرفت بمرورك ابو مشعل وفقك الله ورعاك وادامك |
اقتباس:
|
اقتباس:
صح ابدنك تسلم يالغالي مرورك وكلماتك وسام على صدري. وفقك الله ورعاك |
اقتباس:
وفقك الله ورعاك |
| الساعة الآن 08:50 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd