|
قصيده موجهه لنا من الشاعر
هذه القصيده وجهها لي الشاعر القدير حابس رومي السويدي الشمري بتاريخ 12/10/1433هـ النـفس ياراضي والاخـلاق ضـاقـه *** اجـيـبـهـا مـنـا وتـجـي مــثـل مـنـّـاك عزاه من قلبٍ خفى الـوقـت ساقـه ***سوق الركاب اللي وطن درب الادراك يالـوايـلي مـاعـاد لـلـصـبـر طـاقـه *** ولافـادتـك مضمـون قـيـلي تـنـصّـاك يابـن الـرجـال مـدلـهيـن الـرفـاقـه *** اشكي عـليك الـلـه مـن النـار يحمـاك اول بداء اهدي لك من الورد باقه *** وطـرايـفٍ تسنـد لـمـثـلـك وشـرواك يالقـرم يـوم ان الهواجيس ساقـه *** اجـبـرت فـكـــري وايـن ذولا وذولاك واين الرجال الـلي يـذري رواقـه *** يالـوايـلي فـدنـي عسى الـلاّش يـفداك اقـفـوا من الدنيـا بطيب ولـبـاقـه *** يا الـلـه تـرحمهـم بـعـفـوك وبـرضـاك يابـو محمد يـوم الاخـلاق ضاقـه *** ارسـلـت يـمـك لاعـدمـنـا مـزايــــــاك اللي نشيت على الوفاء والصداقه *** الـلـه عـلـى الـبـيـداء يـكثـّر حلايـاك |
فرديت عليه بهذه القصيده
ياعاشقٍ طيب المكارم اعشاقه == حي الرساله يابو ماجد وحياك حييت من قلبٍ يزيد اشتياقه == زاد اشتياقه حلو قافك ومعناك اللي يعبر عن زمان الصداقه == على الوفاء والطيب ساسك وذكراك ذكرت ناسٍ ماتعرف الحماقه == يضحك احجاج ابن الحموله الياجاك يشفق على شوفك وشوفه اشفاقه== على الشرف عرفه وعرفك ومبداك بينك وبينه بالمعزه علاقه == بالطيب والمعروف والخير يجزاك الياحضرت الوجه فيه الطلاقه == وان غبت يسالك عن غيابك وطرياك زمان تلقى للوناسه رواقه == بالخير ياوقت الوناسه ذكرناك ماهو زمانٍ زايدن في نفاقه == كثر النفاق وكثروا اعداي واعداك سقنا عليك القاف واقبل مساقه == يالطيب اللي بالمعزه عرفناك ارجو ان تحوز على رضا الجميع ... وسلامتكم |
قصائد في منتهى الروعة شكراً للشاعرين حابس الرومي وأبو محمد الضوي
|
صح لسان الشاعرين
|
اقتباس:
|
اقتباس:
الاخ طالب الونيس تشرفت بمرورك على موضوعي وفقك الله ورعاك |
| الساعة الآن 04:06 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd