|
مساجله بيني وبين الشاعر صقر الشمال الشمري
http://profile.ak.fbcdn.net/hprofile...41586489_q.jpg صقــر الشـــمال الابيات وصلتني من الاخ الشاعر صقر الشمال الشمالي وظمنها لغز بل الغاز وسوف اوافيكم باـلرد عليه .ان شاءالله ذبحت انا اللي سجل يابن سوعان صدق اعترافي ....... وانا الذي عن كل ماصار مسئول يابو فهد جاك الخبر بالقوافي ......جاك اعترافي واترك القيل والقـول واللي ذبحته . يذبحه كل وافي ........ والحق له سيفً مجرد ومســلول ذبحت أنا اللي بوسط النفس خافي ...... في كل نفسً خيله أتصول واتجول يشوف لكن للأسف ما يشافي ...... وعند الذي به خير ماهوب مقبول . خلف أعيالً وصفهم له يظافي ........ لكنهـم يأتـون فـي عــدة أشكول . منهاجهم قطع الرحم والتجافي .......ورفيقهم عـن طيبة الفال معزول . رفيقهم من خالقه ما يخافي ....... لكــن لبـوهـم تايه الـرأي مـذلول . يابو فهد حذراك لاتكون غافي ..... حد البصيرة والبصر واقبل القـول . عطني جوابك والخبر يالسنافي ...... ولعـل ردك يابن سوعان ما يطول ابغـي تـوردني على عـد صافي ....... ياشـاعرً نوعه مع الناس مقلـول . أخـــوك صقــر الشــمال الشـــمالي .................................................. .......... http://profile.ak.fbcdn.net/hprofile...00858282_q.jpg الشاعر محمد بن سوعان الربيع اللـي ذبحتـه ماعليـه الحسـافي ..... .................................................. ......................... ردتي المتواضع على الاخ الشاعر صقر الشمال الشمالي اتمنى ان يحوز على اعجابه واعجابكم وان اكون قد وفقت بحلول الغازه وارضيت ذائقة المتذوقين من المتابعين لنا . واعتذر عن كل نقص وملاحظه ... حـييت ياللـي خابــره مـا يخـافـي ............ حــرً جســر بتٌــاع لعـارض الجــول صيده جـزل ما يلتفـ...ت للضعـافي ........... فعله يفـوق الوصف والمدح والقـول قـافـه يـذكـرنـي بقـاف النصـافي ........... وفصاحة اللعبون تطري على طـول من بدع ذاته ماخطفه اختطافي ........ شاعر جزل ياصاحبي ما انت مجهـول ابـداع واضـح ماعليـه اختـلافي ........ وتُشـكـر على جهــدً للاشعار مبـذول كفيـت ثـم وفيـت مال العوافي ....... والشـكر منــي يابـن الاجـواد مـدبـول يا مرحبابك عد رمل السوافي ........ واعـداد مـا رد الخبـر كـل مـــرســول واعداد ما زار الحرم ثم طافي ........ واعــداد مـا لحجـاج ياتـون كـل حـول يا مـرحبـابك والنـوايا انظـافي ........ والــود والعــرفـان بـالخيــر مــوصــول وانا على هقوة هل الطيب صافي ......... ولانـي عـن الاجـواد مبعـد ومفصول واللي ذبحتـه مـا عليه الحسافي ........ ولا ني بذبحـه يابـن الاجـواد مذهول ذبحـه حـلال ولا بـذبحـه كسافي ....... لاشـــك ذبحـه من هل الطيـب مأمـول ياصقر هذا ( الشر ) ملعون هافي ...... وعياله اذنوب البشر عرض مع طـول فيهـا الثقيـل وفيـه منها اخفـافي ........ ومنها الذي ما اظن بالعفو مشـمول واقبل سلامي في نهاية مطافي ...... وعساي انا جبت الهدف بوسط القول عساي انا احظى بالعفو والعوافي ....... وعسى لنـا بـابً عـن الشـر مقفـول بقلمي .... |
صح لسان الشاعرين على هذا الأبداع الجزل من الشعر الجميل وكما قال أبن سبيّل ( أزكى الشعر ماقاله أزكى الرجاجيل ) أما اللغز وحلّه الشر والعياذ بالله من الشّر فأننا نتمنّى أن يذبح ولكن له ملك لا يسمح بذبحه وهو إبليس لعنه الله وله جنود يحمونه وهم شياطين الجن والأنس وله أنصار وهم الظلم والبغي والعدوان والحسد والحقد والطمع والجشع وهذه كلها من مسبباته ودواعيه وهذه كلها شرور أعاذنا الله وأياكم من الشرور ومسبباتها وشكراً لكم على هذه القصائد
|
كفو وصح الله لسانك يأبو فهد حتى ترضى ولسان زميلك الشاعر صقر الشمال الشمري ..
وتقبّل كل التقدير والإحترام ونتطلع إلى جديدك من درر وبديع الأشعار .. |
| الساعة الآن 11:21 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd