|
راع الصّخـــى والمروّة
يـالــلــه يامـنـشـــي الــبـراق وخــيــالـــه=ياباســـط الارض وانـتـه مـرسـي هضابـه تـفـرج لقـــلـبٍ يــهــوم ولا تـــهـــيــالـــه=يـهـوم دربٍ صعـيـب وكــثـرت انـشــابــه اسباب هـمـه وهاجـوســـه وغـــربالــه=وقــتٍ تـغـيّـر ولا دري وشــــي اســـبابــه وقــتٍ لــيـالـيــه بــالاجـــواد مـــيـالـــه=بـيـنـه وبـيـن الـنـشاما حــرب وطــلابـــه اشـوف ما يقاس قـدر الرجـل بافـعـالـه=ينقاس قدر الرجل وش كـثر بـحـسـابـه وراع الصخى والـمـروّة حـــالـتـه حـالـه= بـيـن الــديايـيـن دخـلـه مـــاتــهــنابــه بالـمـال صارت شـيوخٍ واصلها ثـعالـه=وتـوخـر الـلـيـث وشــاخ ثعـيل بالغـابـه الشـيـخ حـوّل وركــب الـكـــور زمـالــه= ولاعـاد يـنـفـع قـديـم الـمـجـد وانسابـه |
صح لسانك يا شاعرنا الكريم طالب الونيس وما تراه يراه كل الناس وقد عبّرت عن الجميع بهذه الأبيات القليلة في عددها الكثيرة في معناها وسبق وأن قلت من أبيات لي على طاروق الهلالي :
المال عـز للرجال وكرامه *** الله يخون المال ما أكثر نفايعه اليا فقدت المال لو جل قدرك *** تنقاد نفسك للرذيلات طايعه أن كثر مالك يكثرون الأحبّه *** وأن قل ما تلقى خليلن تلايعه |
صح لسانك يابن الأكرام ولسان أديبنا العزيز على هذه الروائع والدرر والدنيا الله يكفينا شر تاليها، عز الله إنها مثل ما تفضلت به يا راع الجدعا، وأبو زويّد السنجاري رحمة الله عليه قال له قصيدة منها بعض هالأبيات فكيف لو إنه حضر دورنا الحالي وش كان راح يقول. أشوف دنياً ياعـرب شيلهـا مـآل=امنيـن ماعدّلتهـا مــا تـواسـه قامت لصاع المنكر النـاس تكتـال=ودلّت تبـاع الجوهـرة بالنحاسـه هذا زمـانٍ مـن قوافيـه أنـا ذال=وقتٍ به الحصنـي يـدور الفراسـه ياحيف يالباسـة الجـوخ والشـال=قامت تفرسهـم عيـال البساسـه راع الجحش شرهٍ على طرح خيـال=متحـزمٍ فوقـه بـدرعٍ وطـاسـه ياراعي الخصرين والطـوق وهـلال=اللـي بخدينـه نضيـفٍ لعـاسـه إصبر وعند الله تصاريـف الأحـوال=والناس مرجعها علـى بنـي ساسـه |
وقـتٍ لياليـه بالاجـواد ميـالـه بينه وبين النشاما حـرب وطلابـه اشوف ما يقاس قدر الرجل بافعاله ينقاس قدر الرجل وش كثر بحسابه وراع الصخى والمروّة حالته حالـه بيـن الدياييـن دخلـه ماتهنابـه بالمال صارت شيوخٍ واصلها ثعاله وتوخر الليث وشاخ ثعيل بالغابـه الشيخ حوّل وركب الكـور زمالـه ولاعاد ينفع قديم المجـد وانسابـه صح الله لسانك وبيض الله وجهك قصيدة جزله |
اقتباس:
حياك الله شاعرنا واديبنا الكبير ابو مشعل فعلا المال عز وكرامه ولاكن ان يكون هو المعيار الذي يقاس به لو حصل هذا انا لااقره |
اقتباس:
ولاكن بالله لو كان ابو زويد عاش الدورهذ ماذا سايقول |
| الساعة الآن 04:09 PM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd