موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الطـييب فطره يووَرثه رب الاربـاب 000 موزع الارزاق يمنح ويعـطيــه
وطيب الفتى من طيب حظه الياطاب000 كان صعد بأول شبابه معاليـه
إن صار للجزله صبوراً وهبــــهاب000 مثل الذي على المغازي مناويـه
ومن طاب حظه ذاع صيته بالاسباب000 مثل السنه بالخير باين مواريه
ونسمع مثل يقال ( عيال الاوجاب ) 000 يضربه انـواع العيـال بتناويــه
وترى السعد يحَضًر ونوبات بغياب000 ومن طاب حظه لو تدهوريقديه
وكم واحداً علمه صعد عند الأجناب 000 كل ٍ يقول النعم إن جيب طاريه
مدهــــال للضيـــفان ماسكر الباب 000 علمه ينومس يرفع الرأس طاريه
والطيب عسراً فوق له راس مرقاب000 دونه جبال ٍ تعترض في محانيـه
قالوه اللي من قبلنا عقـــول الالباب 000 واللي جهل يسئل ويقول لي ليه
وطرق المراجل كايده تتعب تعاب 000ياكثر اللي من دونها شاب ناصيه
والطيب ماهو بالمناظر والاشناب 000 ولاهو بلبس البشت تلبس وترميه
ولاهو ثقافه او يجي زين هنداب 000 ولاهو احــــــلام ٍ في تمني مناويه
وكم واحــــد ٍ لو يتحراه ماصاب 000 حيــثه تــصنع والتصـــنع يخليـــه
الياصار ماهو من طبيعه وينساب000 اللي يتمظهر لوظــهر فيه يخطيه
دونه مواعر مع متاهات وشــعاب 000 الطييب باس ٍ والمراجل تخاويــــه
ياكثر اللي لو هــام جنب بمجـناب 000 والطييب ضد البخل خصم ٍ يعاديه
والطييب لأهل الطيب يزرع بمكساب000 اللي زرع له زرع لابد يجنييـه
الياصار زرعه غارسه بأرض ٍ خصاب000مردوده من الخير مدبول يأتيه
ذكرت فعل الطييب والطييب ينهاب 000 مقــسًم ٍ مثـــــــل النوادر لهاليــه