موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

http://profile.ak.fbcdn.net/hprofile...99050256_q.jpg
الشاعر محمد سوعان الربيع

28 نوفمبر

((العمـــر رحلـــه والليـالي مجـــاديـــف ))

هات القلم واكتب بالاوراق يامنيف
==== من فيــض جاشــي والضمايــر رساله
رســالةً تسـمو عن الكـذب والزيف
==== ابـديتـــهـــا مــن قلــب زاد انـفعـــالــه
هاض القريــح وهيضتـه الصـواديـف
==== وامـــور بقعـــا مــا عليــها كـــــفـالــه
جتنـي تطـارد من من بعيدً مراديف
==== واصبحت انا ارزح تحــت نير احتـلاله
من شينهـا ما تنوصـف بالتـواصيـف
==== ضاق الفضــا بي من جنوب وشــماله
حاولت اخفف لوعة القلب تخفيف
==== ميــر البـــــلا شـــــــيً تعـــدا مجـــاله
والصبـر عــدا عاليــات المشـاريف
==== وازريــت اواكــب مـيلتــه واعتـــداله
واصبحـت انـا والهـم ربـع ومواليف
==== وزودً علـى خيـلــه ركبــلــي اجمــاله
البعض منها شيف والزود ما شيف
==== والعالــــم اللــــه فـي خــوافـي ليــالـه
وافقـت امـورً تخرع القلب واتخيـف
==== ولا طنتــي يـــا منيــف ياتـي بـــدالــه
حكم القوي يلوي ارقاب الضواعيف
==== بـوقــتً بــه المـنعـور تـــردي حــواله
مير الله اللي ياخـذ الحق وايضيـف
==== ســــبحاله اللــي مـا عليـه اســتحـــاله
مابين كاف ونــون وامـره ابتصـريف
==== والــــرزق بيــــده والاجـــل والازالـــه
تدري وانا ادري واكثر الناس ياحيف
==== غــرٌه زمــانـــه والكبـــر والظـــــلاله
افخت ســنعها واخدعوه الملاقيف
==== واصبــح كمـا الملــواح من جاه شـاله
والنوخـذه لاصــار ما هـوب حـرٌيف
==== وفيـــه الاخـلاق الســــاميـه والعـــداله
تلعبـه امــواج الزمـن والعـواصيــف
==== وبحــريـــتـــه مــا فيهـــم اللـي وفــالـه
يطبع به المركب ولا ياصل السيف
==== ويتـعــــب وينـــدم ويتـعـجـــل زوالــــه
لابــد مـن دفـع الثمـن والتكاليـف
==== وليــــت الخســــــاير من صناديق ماله
مهما عطت دنياه يبقى بهــا ظيـف
==== والظيـف لابـــــــد مــا يـــدني ارحــاله
والعمـر لحظــه والليــالي مجاديف
==== وكــم واحــدً حـاول وقصــرت احبـــاله
ومن طوٌف المعروف بالعمر تطويف
==== مــا تـنفعــــــه افعــــال عـٌمــه وخــاله
مثل الربيع يسـابقه لاهـب الصيف
==== يحــرق نـواويــره ويتـلـــف جــمــــاله
والعاقـل اللـي يتـعض بالمـواقيـف
==== ويـاخـذ مـن اللـي فــات عبــره لحـاله
والطيب لاهل الطيب مهنه وتشريف
==== وشـــتان بيــن المعــرفــه والجهــــاله
احــدً يبـي علـمً وشـرحً وتعـريـف
==== واحــــــدً تــرزه بـالتـــوارخ افـعـــالـه
والفرق بين الناس من مبطيً شيف
==== ولا تنتـــواسـى روســـها بالحثـــــالـه
لاشــك زمــان اليـوم خوان يا منيف
==== خـل السـفيـــــه يقـول وش مـاطرالـه
مشكاي انا للي يغيـث الملاهيــف
==== هـــو حسبي المعبود والملتجـــــى له

بقلمي .............