|
الدكتوراة الفخرية للشيخ هزاع أبا الروس
أقيم في ليلة السبت حفل كبير في صالة بريدة بفندق الكنتر بالرياض على شرف الشيخ هزاع بن عايش أبا الروس بمناسبة حصوله على شهادة الدكتوراة الفخرية من كلية اكسفورد في بريطانيا بسبب أعماله الجليلة وعصاميته ونجاحه وبهذه المناسبة قلت هذه الأبيات :
قـال الـذي قـافـه بـذكـر الـولـي قـالـه *** مـولاي خـلاّق الخـلايـق ومعبـوده الفكـر يملي جـزيـل الشعـر وأمثـالـه *** أبـيـات مـن صافي المنظوم معـدوده مـن لا تـجـهّـد لـنيـل الـعـز مـا نـالـه *** الـعـز كـايـد يـبـيـد العـزم مـن كـوده ولا كـل مـن شـام لـلـعـلـيـا تـهـيـالـه *** ومن يجتهد حصّل مرامه ومقصوده من يفعل الطايله يجـزأ عـلى افعـالـه *** والطايـلـه دربـهـا يـا مبـعـد احـدوده نـعـتـز بالـلي سنـام المـجـد مـنـزالـه *** هـزاع أبا الروس نـال العـز بجهوده أبـو فـهـد مـرتـبـت دكـتـور تـزهالـه *** يصعـد بروج العـلا مـا كلّت عضوده مخلص لقائد عموم الشعب وأنجالـه *** عـاهـل وطـنـا ملكـنـا وكلنـا جـنـوده أبـو فـهـد طبعـه الأخـلاص بأعـمالـه *** أصعب عمل ينجزه كان أبرم عقوده مهّـد روابي عـفـاش القـاع ورمـالـه *** وسهّـل مواعـر تلاع البيـد وحيـوده جاهد وكافـح وشق الطـرق باشغالـه *** وسابق ونجح ونـال الفوز في ذوده أمـا الكـرم وارثـه مـن عـمه وخالـه *** طبع الكرم والوفا من عادت اجدوده مـا غـلّق الباب دون الضيف بقـفالـه *** مـن جـاه مـا ياجـد الأبواب مـردوده فـي مجـلسه رايـب الفنجـال وبيـالـه *** وانتاج غيد النخـل من قطف عنقوده عـلى الكـرم تشهـد صيانـيـه ودلالـه *** والسفـره الـلي طـول الأيـام ممدوده يا كثـر ما يكسب المعـروف بأمـوالـه *** الـمـال مـا حسّب لنقـصـه ولا زوده ينفـق لكسب الفخـر مـا شح بـريـالـه *** يـبـذل عـلى لازمـه مـا وفّـر نـقـوده كـم مـعـوزٍ صـكـه زمـانـه تـعـنـالـــه *** جزل العطا يطمع المحتاج في جوده وكم واحـدٍ كاهلـه عـنـه الحمل شالـه *** اعـمـالـه الطيبـه بالـنـاس مشهـوده الـمـال مـا غّـره ولا غـيّـر أحـوالـــه *** تعب عـلى المرجله مع هبت سعـوده حـيـد شمـخ يـوجـد المقيـال بضلالـه *** الـلي يـكـنّـه مـا شـكـى حـر وبـروده بالمرجله ساروا عـلى سلمه عـيالـه *** سلم الذي غايته كسب الثناء وفـوده بـه تفتخـر عصبة عـوانيـه ورجالـه *** أوصاف طيبه بقول الصّدق مسنوده عـديت لمحـه من مـزايـاه واخصالـه *** كـل الصفـات الـلي بهـزاع محـموده |
صح لسانك يابو مشعل ويستاهل ابوفهد كل تقدير وتكريم
|
لاشك أن للرجل بصمة مضيئة وأيادي بيضاء فى عمل الخير والإحسان إتجاه بلده وشعبه أهلته لأن ينال هذه المرتبة من التقدير والتكريم فصدق القائل : صاحب المعروف يكسب بالدنيا صنيعه... ولا الردي حقه من الدنيا الكسايف! كل الشكر لك أبومشعل
على هذه الروائع لقد أحسنت وأجدت فصح الله لسانك |
صح لسانك يا ابو مشعل ويستاهل ابو فهد معروف عنه انه من اهل الخير والعون والاخلاق الحميده وعلينا تشجيع كل من يفعل الخير للمجتمع وانت يا ابو مشعل معروف طبعك تقدر كل من يفعل الخير وفعل الخير له طرق كثيره --- كما قيل( من يفعل الخير لايعدم جوازيه = لايذهب العرف بين الله والناس
|
عزالله كفوا بالشيخ هزاع ابا الروس ويستاهل أنا أجزم ان أي رجل يحب عنزة حتماً سيحب الشيخ هزاع ابو فهد والله ونعم نفتخر به وبأسمه وشرفنا بأفعاله ومضيفه بأم رقيبة وبالوايليات الوضح يوم دشن ميدان ام رقيبة قمنا نحذف الغتر بالشمال امام شاشات التلفاز الشيبان والشباب ونقول بيض الله وجه ابو فهد وهو والله يستاهل !!
..... صح لسانك يابومشعل عزالله انك ماقلت الا الصحيح والواقع فلا فض فوك واطال الله بعمرك .. |
| الساعة الآن 11:24 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd