|
{{ هاجس التعبير حاضر والمشاعر تستجرّه }}
أحبتي أضع بين أيديكم هذه القصيده والتي تشرفت بإلقائها
بالحفل الذي أقامه الأخ/عبدالعزيز بن عايد الجعفري العنزي . بمناسبة زواج إبنه/ عبدالله بن عبدالعزيز الجعفري العنزي . (( مقدمه ..... تهنئه )) بالليله اللي كلها ونْسَه وفرحه وابتهاج=يطيب لي يوم ألتقي في كل شغموم أبلجي سجلت تعبيرٍ عن الفرحه بعد راق المزاج=ولا لومها يوم المشاعر تستهيض وتنتجي بحفلة رجال افخر بهم وأحطهم للرأس تاج=وحفل الرجال أمثالهم أحرص على حضوره وأجي لـــ(عبد لله )الـــ(عبد العزيز)أقول مبروك الزواج=يا لله لعلك طيلة سنينك اتسرّ وتبهجي وتنهل مشاريبك من الصافي ولا تشرب هماج=ولا يجيلك في حياتك ما يكيد ويزعجي في ضل ابوك اللي عسى يبقى لكم مثل السياج=كالطود بعد الله ليا شان الزمن له تلتجي ((( القصيده ))) من هجوس الشاعر اللي لادعاها ماتغرّه=وإن طلبها تستجيب وتحضر المطلوب كله شاعر ٍ جرّب من أحداث الزمن خيره وشرّه=واستفاد من الحياه دروس وأفكاره تدله وهاجس التعبير حاضر والمشاعر تستجرّه=والروابع وافر ٍ مخزونها ماهي مقله لا طلق سبوق الخيال وفرّ له بالجو فرّه=بحث عما يطرب أسماع الرجال ليا صغ(ن) له ولا ابترم مثل المكوك اللي خبيره دق زرّه=انهمر وبل المشاعر كالمزون المستهله وإن سبح وسط البحر جاب المحار وجاب درّه=والجواهر حال ما يبداء على الفور حضر(ن) له الكتابه مستمره والهواجس مستمرّه=وكل ما ناسب لها تمليه والهازل تزله جيت والجيّه على وضح النقا ماجيت غرّه=أتغانم فرصتي وأكسب لوقتي وأستغله جيت ناجب لي ذلولٍ من خيار الجيش حرّه=ضامر ٍ متعوده للرقم الأول تستحله جبتها لأصحابي الغالين ما جت للمكرّه=والجزيل من القصيد يزين لا من جا بحله جابني دعوة عزيز أعيد له شكري وأكرّه=من قدر وجلال جيت مشارك ٍ ومباركٍ له بليلة ٍ فيها نعيش أفراح وبهاج ومسرّه=والسعاده زادها شوف الوجيه المسفهله من تعنى عبر جوْ الدار وإلاّ باج برّه=أو لفانا من قريب صدورنا تبقى محله مرحبا مليون مره مرحبا مليار مرّه=بسم ربع ٍ يأخذون من الفخر والطيب جله في محل ٍ فيه يدله ويتونّس من يمرّه=مجلس رجال الشكاله من جلس به مايمله من لفا مسيار وإلا ضيف شاهد مايسرّه=والتعب ينساه ويكيّف ويلقى راحة ٍ له ياجد التقدير والتشريف وإكرامه وبرّه=وماتبيه النفس جاه وكل مطلوبٍ حصل له ويستدير العود الأزرق فوق جمره بعد كرّه=والبياله تستدير وقبلها فنجال دله عند أبو فواز رمز المر جله لله درّه=لمن يجي يمه يفل الزل وحجاجه يفله المراجل فيه مخلوقه بشخصه مستقرّه=والكرم عنده طبيعه والذرابه به جبله متزن ماسار بدروب التنقد والتشرّه=مثل لون الشاش الأبيض ناصعه صفحة سجله ما ذكر به من علامات الردى مثقال ذرّه=ولاهو بحاجة شهاده طيب فعله شاهد ٍ له ياعسى فداه ناس ٍ تجمع المال وتصرّه=قاصرات أيمانهم ماتبذل المعروف لله والله إنه يحفظه من كل مكروه ٍ يضرّه=أمدحه لنه سنافي والمدايح يستو(ن)له أوصلتكم دعوته وحضوركم لاشك سرّه=والشرف له والفخر مادام شرفتوا محله """" وسلامتكم """" |
الأخ الشاعر حمد الضوي صح لسانك وعظم شأنك وأنت من الرجال الذين لهم حضور في مناسبات الجماعة ولشعرك نغمة خاصة في جمع الشمل والحث على مكارم الأخلاق والأشادة بمن يستحق فجزاك الله خير وبارك الله بك
|
اقتباس:
ابو مشعل صح بدنك لقد شرفتني بهذا المرورك الكريم وهذا طال عمرك واجبي تجاه قبيلتي وربعي وواجب كل شاعر وبالتأكيد تعلمنا منك ذلك يابو مشعل بارك الله فيك وأبقاك ذخرا ً لنا انقى تحيه |
الاخ حمد الضوي رعاك الله وصح لسانك ولا اقول اكثر مماقاله الاخ الكبير ابو مشعل نتمنى لك دوام الصحه والعافيه وكثر الله من امثالك
|
بسم الله الرحمن الرحيم ألأخ حمد الضّوي لا أزيد على كلام من سبقني . فالوفاء جلي وواضح بشخصيتك الرائعة من خلال القصيدة صح لسانك ودام حرفك شامخاً كشموخ معدنك الطيب دمت بود |
اقتباس:
متعب الفققي صح بدنك لقد تشرفت بمرورك الكريم شاكر ومقدر لك ذلك لاخلا ولاعدم انقى تحيه |
اقتباس:
صح بدنك والف شكر على الإطراء وهذا من طيب ذاتك بارك الله فيك وأطال الله بعمرك انقى تحيه |
| الساعة الآن 01:07 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd