موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- الشعر الشعبي المكتوب (http://www.bnabar.com/vb/forumdisplay.php?f=54)

- - كروكي اللميع (http://www.bnabar.com/vb/showthread.php?t=7583)

كروكي اللميع

بسم الله الرحمن الرحيم

هذه اول مشاركة لي في هذه المنتدى المبارك

اخترت من ارشيفي هذه القصيدة واهديها الى الشاعر والراوي / عبدالله بن عبار

ياللي تبي قطف الشعر صافي ٍ دون*** من دون مايجرح اناملك شوكي ِ
شعر ٍعلى ماقيل اصلي ومضمون*** بعطيك للعنوان رسم ٍ كروكي
اسمع لابن جدلان وابحر مع الكون*** والا لابن وسّام وارم الشكوكي
وايضا الزلامي والسديري وبن عون *** وعبدالله بن زويبن الفحل دوكي
*ومحمد بن الخس بستان وغصون*** يستاهل البستان وصف الملوك ِ
وأبن سرور اللي مع الشعر مجنون*** لو كان عابه شين بعض السلوكي
وعبدالله العبار متعدد اللون *** قافه على مر السنين محبوكي ِ
ماهي حَصر لكنهم رمز وركون *** اساتذه بالشعر معهم صكوك
صفوة فطاحل تكتب القاف موزون*** مع سابق الابداع والوصف اوكي

للتوضيح

(١) الشاعر سعد بن جدلان الاكلبي
(٢)الشاعر سلطان بن وسّام الهاجري
(٣)الشاعر رشيد بن زيد الزلامي العتيبي
(٤)الشاعر محمد بن احمد السديري
(٥)الشاعر عبدالله بن عون العتيبي
(٦)الشاعر عبدالله بن زويبن الحربي
(٧) الشاعر محمد بن الخس المطيري لقّبه الملك عبدالعزيز بالبستان
(٨) الشاعر بندر بن سرور العتيبي
(٩) الشاعر عبدالله بن عبار العنزي

أبيات الشاعر جمال خليف اللميع

ياللي تبي قطف الشعر صافي ٍدون*** من دون مايجرح اناملك شوكي

شعر ٍ على ماقيل اصليومضمون*** بعطيـك للعنـوان رسـم ٍكـروكي
اسمع لابن جدلان وابحرمع الكون*** والا لابن وسّام وارم الشكوكي
وايضا الزلامي والسديري وبن عون*** وعبدالله بن زويبن الفحل دوكي
*ومحمد بن الخس بستان وغصون*** يستاهل البستان وصف الملوكي
وأبن سرور اللي مع الشعر مجنون*** لو كان عابه شين بعض السلوكي
وعـبدالـلـه العـبـار متـعـدد الـلـون *** قـافـه عـلى مـر السنين محـبوكي ِ
ماهي حَصر لكنهم رمـز وركـون *** اساتـذه بالشعـر مـعهـم صكـوكـي
صفوة فطاحل تكتب القاف موزون*** مع سابق الابداع والوصفاوكي

مع التحية والأجلال يسرني أن أرد على الشاعر جمال بهذه الأبيات :
اشكرك يا بـادع بتصنيفـنـا لحـون *** يا أبن الكريم اللي لضيفه ضحوكي أهـل الشـعـر يالـوايـلي مـا يعـدون *** سجـلـت أنـا مـيّـات مـنـهـم أبـوكـي منهم أبـو غـياض بالشعر مبخون *** مـاهـو مـن الـلـي لا تـكـلّـم يـلـوكـي وعقاب أخو نمشه وساكر وسعدون *** ومحدى كلامه مثل نسج الحبوكي والشاعر سليمان لـه قـاف وافـنون *** ورميح أبن ردعان مابـه شكـوكي وأبـن ربـيـعـه قـبلهـم وأبـن لعبـون *** ومحسن يحوك البيت يالقرم حوكي وأقدر أعـد مـن أهـل الشعـر مليـون *** مـن ديـرة الخـفجي لـديـرة تـبوكي الشعـر يهجـابـه هـلابـيـج واعـفـون *** أهل النفوس اللي بثقل البلوكي أهل الردى لوهم من أحفـاد هـارون *** بالقـدر مثـل الـلي بـوسط الشبوكي

صح السانك جمال دايم مبدع